-
Богатство што не се купува со пари
0600,00 денНе биди роб на своето минато, туку господар на својата иднина
Револуционерна книга што ја преобликува дефиницијата за успех, за да ни покаже што навистина значи богат и исполнет живот. Следете го примерот на Шарма, зашто богатството со кое ќе го облагородите срцето е многу позначајно од сите материјални работи и од сето она што ќе го ставите во банка.
Вистинското богатство е многу повеќе од брз автомобил или луксузен одмор на егзотични острови. Парите се само еден вид на богатство. Затоа многу луѓе, и покрај финансиските успеси, се исклучително сиромашни кога станува збор за нештата што се навистина важни за животот – среќата, здравјето и спокојството.
Општеството ни продава варијанта на успех што многумина ги остава празни во душата, неостварени и полни со каење. За среќа, постои многу подобар начин на животот.
„Богатството што не се купува со пари“ ќе ви открие систем кој го менува животот и ќе ви помогне да го промените од корен пред да биде предоцна. Ќе научите дека формулата втемелена врз осумте скриени навики што ги користат вистински богатите луѓе е совршен начин за да ја земете судбината во свои раце.
Отворете ја оваа книга и дозволете човекот кој го најде ќупот со злато копајќи во себе, да ви понуди сознанија што водат до неисцрпен извор на богатство:
Како да станете сопствен создавач на добри шанси
Дури 90 % од вашата среќа доаѓа од правилно избраниот партнер
Секојдневно работете на себенадминување
Помагајте им на луѓето, служете во локалната заедница
Скриените навики на вистински богатите луѓе се лесно достапни за секој
Прифатете ја чудесната идеја да „исчезнете“ една година од лицето на светот…
Неверојатно моќна книга што ќе ви ги прошири хоризонтите. Полна со практични алатки и тактитки за трансформација, таа ви ја открива филозофијата со која конечно ќе ви се насмевне вистинското богатство.„Робин Шарма е неверојатен ментор. Тој е еден од највлијателните луѓе на денешницата.“
Дипак Чопра
„Ремек-дело. Задолжително треба да го прочитате, доколку посакувате навистина богат живот.“
Џ. Балвин
-
Престанете да размислувате прекумерно
0320,00 денЗачекорете по патот кон смиреноста и уживајте во сегашниот момент
Дали сте често растревожени и под стрес? Не можете да заспиете постојано вртејќи ги низ глава настаните од денот и развивајќи безброј сценарија за иднината?
Прекумерното размислување е најголемата причина за несреќа, а и за многу болести. Со него влегувате во еден бескраен циклус на негативни мисли и го преоптоварувате умот со работи што никогаш нема да се случат или да имаат пресудно значење за вашиот живот. Тоа е исцрпувачки процес кој ви предизвикува дополнителен стрес, а не ги решава реалните проблеми.
Ник Трентон ни покажува како да влијаеме врз умот за да стекнеме поголема контрола врз своите мисли, да ги разбиеме негативните мисловни модели и да почнеме позитивно да размислуваме. И конечно, наместо постојано да се жалиме од минатото и да се плашиме од неизвесната иднина – да се фокусираме на сегашноста и да уживаме во секој момент од животот.
Прекумерното размислување не може да ви донесе позитивни резултати. Па тогаш зошто да бидете негов затвореник? Ослободете го умот од затворот што самите си го градите.
-
Љубов, теоретски
0500,00 денДали паѓањето во орбитата на згодниот физичар ќе ја доведе нашата протагонистка во искушение да ги преиспита своите теории за љубовта?
Двојниот живот на физичарката Елси Ханавеј е како од филм. Прекуден е растргната меѓу својата слабо платена професорска работа и желбата да истражува. Навечер својата ниска плата ја надополнува како лажна девојка, користејќи ги своите усовршени вештини за да се преобразува според потребите на клиентите.
За нив, таа е целосен погодок – слатка и внимателна. Исто како и Џек Смит, привлечниот постар брат на нејзиниот омилен клиент – студен физичар што ја уништил кариерата на нејзиниот ментор и со тоа ја разнишал репутацијата на теоретската физика. Истиот Џек кој е член на комисијата пред која Елси треба да ги претстави своите истражувања за да ја добие работата од соништата.
Елси е подготвена да се бори со сите сили, но… што е со збунувачките продорни погледи? Дали електрицитетот меѓу нив може да предизвика експлозија во две непокорни срца?
„Владетелка и кралица во областа на романсите.“
Вашингтон пост„Али Хејзелвуд е вистинска фабрика за романси.“
Кристин Лорен -
ДАНСКИ НАЧИН ЗА ВОСПИТУВАЊЕ ДЕЦА
0430,00 денОвој практичен и пред сè оптимистички советник, родителите ги запознава со навиките на најсреќните луѓе на светот. Четириесет години Данска доминира на листата на земји во кои живеат најсреќните луѓе, додека тајниот чинител на нивната среќа сè уште не е откриен. Сепак, авторките на оваа книга тврдат дека конечно го имаат решението во своите раце: тајната на данската среќа е во тоа што родителите ги воспитуваат своите деца да бидат полни со самодоверба, дружељубиви, исполнети − и, се разбира − среќни. Се прашувате како? На страниците на оваа книга ќе најдете разновидни, креативни и оригинални совети, како да: − ја поттикнете слободната игра − ја поттикнете автентичноста и самодовербата − негувате емпатија − го нагласувате тимскиот дух − го прославите заедништвото. Со многу практични решенија за проблемите и со инспиративни примери, книгата Дански начин за воспитување деца им помогна на родителите ширум светот, без разлика на културата и начинот на живот, да воспитаат среќни, добро приспособени деца. „Моќен воспитен метод… отпорни, емоционално сигурни и среќни деца – со други зборови, токму она кон кое сите тежнееме“, бележи списанието Mother „Би ја препорачала оваа книга на секој којшто себе и на своите деца сака да им понуди шанса за среќен живот“, пишува Малене Ридал, данска амбасадорка на добра волја
-
Неверојатно бистри суштества
0600,00 денВо најтесен избор за најдобар роман во 2022 година на „Гудридс“.
Најпродавана книга според Њујорк тајмс и Сандеј тајмс.
Неверојатна книга за која уште долго ќе се зборува.
По смртта на сопругот, Това почна да работи во аквариумот во Совел Беј, во близина на Сиетл. Чистењето подови во текот на вечерните часови, во друштво на суштества кои тивко се движат во базените ѝ помагаат да се носи со тагата и осаменоста, откако го изгуби својот осумнаесетгодишен син Ерик, пред триесет години.
Главната атракција на овој аквариум е Марселус. Тоа е еден огромен октопод од Пацификот, кој од својот базен го набљудува секое движење на Това. Марселус знае многу повеќе отколку што можеме да замислиме, но тој не би ни мрднал со едната од своите осум раце за да им помогне на луѓето – неговите киднапери. Сè до една неверојатна случка, што ќе го развие необичното пријателство со Това.
Бистриот Марселус, сфаќа што се случило онаа кобна ноќ, кога исчезна Ерик, синот на Това и сега мора да ја искористи секоја финта со своето тело за да ѝ ја покаже вистината на Това, пред да биде предоцна.
Романот на Шелби Ван Пелт, што го освои светот и е една од најчитаните книги, е потсетник дека понекогаш внимателното разгледување на минатото, може да помогне да се открие иднината што некогаш се чинела невозможна.
-
Одмотајте го клопчето на анксиозноста
0500,00 денБестелсер на „Њујорк тајмс“ и на „Волстрит џорнал“
Како да ги прекинете циклусите на загриженост и страв и да се излечите со помош на науката
Живееме во еден од најанксиозните периоди во човечката историја. Соочени со општествени проблеми, како што беше ковид-пандемијата, или со лични проблеми што нè наведуваат на алкохол, цигара или храна, ние постепено ја губиме контролата.
Денес речиси сè се подведува под анксиозност, од вознемиреност до паника. Таа поттикнува низа зависни однесувања, од прекумерно јадење до неразумно користење на социјалните мрежи. Д-р Бруер нè учи да го мапираме својот мозок за да ги откриеме нејзините предизвикувачи, да ги смириме со едноставната и моќна практика на љубопитност и да ја надминеме користејќи свесност и други докажани алатки.
Со над 20-годишни истражувања и практична работа со илјадници пациенти за надминување на анксиозноста, д-р Бруер создал потврдена програма погодна за секој од нас – за да можеме вистински да го живееме животот.
„Најтешко во борбата против секоја лоша навика е соочувањето со анксиозноста што ја предизвикала. Авторот ни нуди револуционерна програма со одлични совети и корисни упатства што секој може да ги следи за да се чувствува подобро.“
Би Џеј Фог, доктор по психолошки науки
-
Бидете полезни
0400,00 денСакате да си помогнете себеси? Помогнете им на другите.
Најголем бодибилдер на сите времиња. Најплатен актер. Режисер, претприемач, инвеститор, подучувач, политичар. Сето тоа се однесува на еден човек, кој верува дека сè може да се постигне со сопствените раце и со силен ум.
Напишана со неговиот толку карактеристичен искрен и сугестивен глас, Шварценегер ги носи читателите на возбудлива прошетка запознавајќи ги со своите алатки и принципи за духовно богат и осмислен живот. Несебично ни покажува како да ги користиме за да ја создадеме посакуваната иднина, збогатувајќи ги со интересни приказни што вклучуваат големи успеси, но и застрашувачки падови. Некои од нив веќе ги знаеме, други се за првпат раскажани на овие страници.
Животниот пат на Шварценегер е восхитувачки и инспиративен – успева да излезе од родното село во Австрија и со упорност и многу работа, скалило по скалило, се искачува кон успехот. Никој нема да ви дојде на помош – можете да сметате единствено на себе, нè поучува тој. Но и нè охрабрува: вие самите сте си сосема доволни. А ако сакате да си помогнете себеси, помогнете им на другите!
-
Сто и една лекција што ќе ни го сменат начинот на размислување
0600,00 денСреќата не е во тоа колку нешта правиме, туку колку добро ги правимe. Мора да бидете најсрдечни кон себе тогаш кога ви се чини дека најмалку го заслужувате тоа. Оваа книга ќе ви помогне да бидете искрени кон себе и гордо да застанете пред огледалото соочувајќи се со она што сè се крие зад вашиот одраз. Светот ќе ви покаже толку добрина колку што вие ќе си покажете себеси, а не колку што заслужувате. Време е да се ослободите од сите заблуди за тоа како треба да го гледате светот и како светот ве гледа вас. Ова не е обична книга што само се чита, туку и богато искуство што поттикнува на самопроучување и отворање кон позитивни промени. Таа е длабоко, филозофско согледување зошто треба да ја следите целта со страст, да го прифатите негативното размислување, да ја видите мудроста во секојдневната рутина и да станете свесни за сè што ви го одредува животот. На крај, ќе сфатите дека ви го променила начинот на кој размислувате, вашиот живот и вашиот светоглед. „’Сто и една лекција што ќе ни го сменат начинот на размислување’ е внатрешно патување. Како да сте на терапија во сопствената соба. Ако сакате да созреете и длабоко да навлезете во себеси, прочитајте ја оваа книга.“ Гудридс
-
Вистинскиот
0400,00 денСамотијата не мора да биде и страдање.
Овој роман-портрет на еден брак што пропаѓа нè води низ комплициран љубовен триаголник од две перспективи – на сопругата и на сопругот. Низ неверојатен сплет на двојност и паралели, навлегуваме во две приказни што се обединуваат со бравурозна прецизност.
Петер и Илонка се богат пар чиј навидум совршен брак е уништен од тајни. Несигурната Илонка верува дека никогаш не може да биде доволно префинета за својот сопруг, а Петер се измачува со забранетата љубов кон Јудит, селанка и слугинка во неговиот дом од детството. Јудит, пак, копнее по слобода од стегите на општеството што ги заробува сите тројца во вител на љубов и загуба. Оваа извонредна приказна, која се одвива во Унгарија меѓу двете светски војни, во свет на драматични промени, е уште еден доказ за брилијантноста на Мараи.
Дали е можно да се уништат емоциите со разумот? Оваа психолошка драма ќе ни го даде одговорот истовремено поттикнувајќи нè на размислување, за да откриеме дека сета убавина на постоењето што ја откриваме со разумот, на крај, сепак е сместена во срцето.
-
Втора фондација
0380,00 денСамо тајната може слабоста да ја претвори во предност.
Досега Фондацијата беше безбедна, благодарение на скриената Втора Фондација основана заради нејзина заштита. Барем така си мислевме. Но каков би бил светот без противници? Со појавата на мутантот Мула, започнува и продолжението на најдобрата научнофантастична сага на сите времиња.
Мула започнува засилена потрага по Втората Фондација. Никој не може да му се спротивстави, зашто има единствена моќ да дејствува врз емоциите на луѓето преобликувајќи им го начинот на размислување. Тој успева дури и најголемите противници да ги претвори во свои покорни слуги. Неговата цел? Освојување на целата галаксија и самопрогласување за нејзин господар. Ќе пропадне ли планот на Хари Селдон, а со тоа и обновувањето на цивилизацијата? Се чини дека само 14-годишната Аркадија го има одговорот на тоа прашање.
Каде е крајот на галаксијата? Или можеби навистина е бескрајна. Токму како и имагинацијата на Исак Асимов, кој создава уште едно ремек-дело во научната фантастика.
-
Седумте духовни закони за успешно родителство
0280,00 денОсмислениот живот ја открива смислата на животот.
„Седумте духовни закони на успехот“ на Дипак Чопра со својата посебност и вистинитост им го просветли патот на многумина во светот. Овој мудар концепт на животот им го отвора патот на возрасните, па книгава што ја држите в раце е надополнување на безвременските совети што на родителите им помагаат да ги изведат своите деца на вистинскиот пат.
Успехот зависи од она што сте и од она што го правите, вели овој светски признат доктор и писател, покажувајќи дека духовноста е темел на сите животни достигнувања. Чопра предлага начини на кои родителите можат да им помогнат на децата да ја впијат оваа мудрост уште од најрана возраст и нуди редовна дневна програма за целото семејство, проникната со практични духовни идеи и совети што поттикнуваат на размислување и на правилно постапување.
Благодарение на оваа книга, родителите можат да ги научат своите деца да живеат на најприроден, хармоничен и креативен начин – и така да остварат вистинско изобилство низ целиот живот.
„Идеите на Дипак Чопра за духовноста и воспитувањето на децата се оригинални, длабоки и фасцинантни.“
Бенџамин Спок
или
„Соработувај со својата судбина, не спротивставувај ѝ се, не попречувај ја. Дозволи ѝ да се исполни.“
Нисаргадата Махараџа
-
Моќта на позитивното НЕ
0400,00 ден„Не“ е најважниот и најмоќниот збор во јазикот.
Во денешниот свет на неограничени избори, притисокот да се попушти и да се каже Да е сè поголем, носејќи ни стрес и прекумерни обврски. Позитивното Не никогаш не било толку потребно. Тоа има моќ да го преобрази животот овозможувајќи ни да се заземеме за она што ни е важно – нашите потреби, вредности и приоритети.
Но погрешното Не може да го уништи и она што најмногу ни значи. Затоа е важно да го кажеме на вистински начин. Тајната на ефикасното Не лежи во умешноста да се каже позитивно Не, што е можеби највредната животна вештина што некогаш ќе ја научите.
Оваа незаменлива книга ви дава едноставен метод во три чекори за кажување позитивно Не: да си ги одбраните суштинските интереси цврсто останувајќи на својот став; да се спротивставите на контрааргументите; да стигнете до прифаќање, до вистинското Да што им служи на вашите интереси.
„Моќта на позитивното Не“ нуди практични совети и примери за секоја ситуација. Без разлика дали треба да му кажете Не на некој клиент или колега, на вработениот или на шефот, на детето или партнерот, во оваа книга ќе ја најдете тајната за јасно и ефективно Не, искажано со почит. Сфатено вака, Не е новото Да.
„Лесно е да се каже Не! кога длабоко во вас гори Да!“
Стивен Р. Кови, автор на „7 навики на успешните луѓе“
-
Квадрантот на протокот на парите
0500,00 денКвадрантот на протокот на парите ќе ви открие многу работи што не се учат во школо: зошто некои луѓе помалку работат, а повеќе заработуваат, плаќаат пониски даноци и се финансиски посигурни од другите. Тајната е во тоа да научите од кој квадрант да дејствувате и кога.
Книга што ќе ви го промени начинот на размислување за работните места, кариерата и поседувањето сопствен бизнис и ќе ве инспирира да ги научите правилата што богатите ги користат за да ги создадат своите империи. Дали некогаш сте се запрашале:
– Која е разликата меѓу (само)вработен и бизнисмен?
– Зошто некои инвеститори заработуваат со помал ризик?
– Како некои луѓе се осмелуваат да дадат отказ и да почнат сопствен бизнис?
– Зошто во индустриската ера беше важно да се добие диплома, а денес врвни дипломци работат за луѓе кои не го завршиле образованието и сепак се меѓу најбогатите на светот: Бил Гејтс, Ричард Бренсон, Мајкл Дел, Тед Тарнер?…
Ова е книга за сите луѓе кои се подготвени да тргнат по сопствениот пат до финансиска слобода, наместо да се потпираат на сигурното вработување; кои сакаат да извршат коренити промени во својот живот; кои се подготвени да преминат од индустриската во информатичката ера. Квадрантот на протокот на парите е ваш незаменлив водич во нашиот современ свет на сè поголеми финансиски промени.
-
Богато дете, паметно дете
0500,00 денПарите не можат да те направат среќен. Но значат моќ, затоа што ти даваат можност да избираш.
Книга за сите родители кои сакаат да им дадат добра финансиска основа на своите деца подготвувајќи ги за современиот свет на брзи промени. Роберт Киосаки несебично ги споделува со нас сите инспиративни и практични знаења за парите и збогатувањето што тој ги добил од својот богат татко.
Богато дете, паметно дете покажува како да разбудите кај детето љубов кон учењето користејќи ги методите на умниот татко, кој му помогнал на Роберт да го заврши училиштето. Но денешниот образовен систем не нуди финансиска писменост, иако банкарот ни бара финансиска сметка, а не школско свидетелство. Оваа книга ви отвора врати за кои не сте ни помислувале дека постојат и ви овозможува да му дадете на своето дете знаења што ќе му користат цел живот, за да постигне личен и финансиски успех во вистинскиот свет.
Дајте им на децата моќ пред да им дадете пари. Помогнете им да добијат соодветни знаења и да создадат добро мислење за себе дека се силни, и ќе им помогнете да станат богати и паметни.
-
Островот на стаорците
0500,00 денСекојпат длабоко нè потресува она што е конечно и неповратно
Добредојде на Островот на стаорците, во пандемиско време во кое богатите чекаат евакуација од врвовите на облакодерите, додека обичните луѓе се борат за опстанок по улиците.
Остварлив ли е сонот за вечен живот? Научникот кој го истражува во последен миг го активира бришачот на меморијата во Бришачот, зашто пронајдената формула може да предизвика истребување на човештвото. Во Штурци е ставено на тест пријателството и патувањето низ времето кога двајца најдобри другари ќе се вљубат во иста девојка. Во Противотров отуѓениот син оди кај татко му на фарма на змии во Африка обидувајќи се да извлече пари од него. А во епскиот и брутален Црн скокач психологот Маер навечер станува професионален убиец во служба на корпоративните картели…
Од дволичност и одмазда до дистописки визии, Несбе ги испреплетува жанровите истражувајќи го она што ја движи судбината на поединецот – дали има место за љубов, сочувство и правда дури и во екстремни услови на борба за опстанок?
„Морничави приказни во кои Несбе ги истражува изопачените умови и темните места на човечкото срце соочувајќи нè со можните сценарија за нашата блиска иднина.“
Букрипортер
„Со остро перо, живи ликови и застрашувачки сцени, Несбе е модерен шекспировски мангуп, стивенкинговски исповедник на длабочините на душата, брилијантен норвешки раскажувач.“
Берлингске
-
Крвава месечина
0600,00 денКрвава месечина, 13 роман во серијалот за Хари Хуле
Брилијантниот детектив се враќа – како приватен истражител со свој тим составен од одметници
На почетокот од есента во Осло исчезнуваат две девојки кои биле на иста забава кај познатиот милијардер Ред. На пронајденото тело полицијата забележува необичен „потпис“, кој навестува дека тоа е само почеток на нечии чудовишни намери.
Откривањето на необичниот убиец бара и необичен детектив. Но легендарниот Хари Хуле е преселен во Лос Анџелес и е на добар пат да си ја оствари намерата – да пие до смрт. Одбива да се врати во Осло сè додека некогашната глумица Лусил, која му го спасува животот, не запаѓа во голема опасност. А тој може да ја спаси само ако го прифати ангажманот што доаѓа од неговиот роден град.
Се враќа во Осло и составува чуден тим – другар од детството кој сега е дилер на кокаин, корумпиран полицаец и психолог на смртна постела. Има десет дена да го најде убиецот и да ја спаси Лусил. Времето немилосрдно тече додека над градот се надвиснува крвавата месечина.
„Умешноста на Несбе заслужува највисоки оценки. Ова е првокласна приказна – Хари Хуле се враќа и повторно нè фасцинира.“
„ВГ“