-
Sale!
Скриени желби, немирни патувања
0350,00 ден„Скриени желби, немирни патувања“ е мозаичен роман во кој врз основната приказна за четири ликови се вкрстуваат приказните на педесетина луѓе од различни географски меридијани.
Книгата претставува микс од приказни, преплетени и вмрежени меѓу себе, доловени со многу детали, хаику-моменти, филмски секвенции, духовни епифании. Роман за интеракцијата меѓу личното и надворешното, за начинот на кој атмосферата и ситуациите ги обликуваат нашите внатрешни пејзажи, за потребата да се раскажуваат приказни и да се пронаоѓаат сјајот и лагата во нив.
Еден од најинтересните аспекти во романот е релацијата меѓу четирите основни и преостанатите куси приказни. Од таа релација се градат визуелни и мисловни контрапункти, ситни драматуршки пресврти, нијансирани поттекстови. Комбинацијата од непристрасен поглед на камера и лично обоено раскажување создава необичен тон, кој предизвикува читателот да биде оставен пред отворената врата на толкувањето. -
Sale!
Свекрва
0400,00 денФасцинантен роман полн со пресврти за сложениот однос меѓу една жена и нејзината свекрва, однос што завршува со убиство…
Од моментот кога Луси ја запознава мајката на својот сопруг, знае дека не е жена каква што Дијана посакувала за својот совршен син. Иако е извонредно учтива, пријателски настроена и секогаш великодушна, Дијана ја држи Луси на дистанца, и покрај очајничките обиди на снаата да се зближат. Дијана е столб на заедницата, поборник за права на бегалците и жена што со децении ужива во среќен брак; никој нема лош збор за неа… освен Луси.
Минуваат пет години…
Дијана е најдена мртва, а прошталното писмо вели дека веќе не сакала да живее поради ракот што ѝ го разорува телото.
Само што аутопсијата не открива рак. Но затоа открива траги од отров и докази дека починала од задушување.
Кој би можел да ја посакува смртта на Дијана? Зошто нејзиниот тестамент е променет во последен момент и ги лишува од наследство своите две деца, заедно со нивните брачни партнери?
Нарушените односи и длабоко скриените семејни тајни стануваат сè пошокантни со секоја следна страница, така што овој роман не ќе можете да го испуштите од рака.
-
Sale!
Остров
0300,00 денКуќата е на крајот од ’ртот, во ретката борова шума, на островот. Сосем близу до гробиштата, далеку од малата рибарска населба. Тука, недалеку од морето, блескаво лете, смрачено и сиво зиме, живеат тие двајца, со години, отповеќе многу години, можеа и да заборават сè што било, оти било одамна, ама немаат заборавено, осудени се на сеќавање.
Негови се: мрежата, чамецот, рибите, говорите, тагата и бесот, талкањето по островот.
Нејзини се: готвењето, чистењето, цвеќињата, кокошките, клавирот за кој сонува, трпението и тивкото сеќавање.
Тој ги мрази своите риби, и вели: Утре ќе јадеме кокошка за ручек. Таа е поразумна, вели: Поарно риба.
Ова е прв превод на романот „Остров“ на македонски јазик.
-
Sale!
Сфинга на гневот
0350,00 денКога уредникот на издавачката куќа „Веда“ дознава дека еден познат писател е пријавен како исчезнат, тргнува да ја открие вистината. Потрагата во која ризикува сè ќе го соочи со загатки во кои се испреплетени историјата, митологијата, психологијата и општествените случувања. Лазар смета дека ако ги дешифрира тајните пораки што ги открива, ќе ја оствари одамна посакуваната цел: да се добере до необјавениот ракопис на исчезнатиот писател.
Движејќи се меѓу границите на мистеријата и книжевниот трилер, Жарко Кујунџиски (Spectator, Америка) создава интригантен и вешто смислен роман, жанровски и стилски палимпсест, со кој пристапува во досега неистражени предели на нашата проза.
-
Sale!
Кога никој не гледа
0500,00 денАко сакаш да го задржиш тоа што е твое, мора подобро да го чуваш. Некој секогаш демне да ти го грабне она што си го добила.
Сидни Грин е родена и порасната во Бруклин, но нејзиниот крај одеднаш брзо почнува да се менува. Речиси прекуноќ никнуваат згради со луксузни станови, насекаде има огласи за продажба на куќите, а соседите што ги познава цел живот ненадејно исчезнуваат. Раскинувана од болка поради пропаднатиот брак и загубата на мајка си, таа решава да организира туристичка обиколка на Бруклин, во чија подготовка ѝ се придружува новиот сосед, белецот Тео.
Но нивното заедничко истражување на историјата на црните населби се претвора во виор од параноја и страв. Можеби има вистина во приказните за киднапирање и насилно одземање на домовите? Можеби нивните соседи воопшто не се преселиле во предградијата? Иако сакаат да ги отфрлат теориите на заговор, наскоро откриваат дека зад плановите за ревитализација се кријат сосема поинакви мотиви.
Можат ли Сидни и Тео доволно да си веруваат себеси, и еден на друг, за да дознаат што се случува – пред и самите да исчезнат во морничавите планови на една корпорација гладна за профит?
-
Sale!
Малибу во пламен
0480,00 денЧетворица познати браќа и сестри организираат епска забава за да го прослават крајот на летото. Но, во период од 24 часа нивните животи ќе се сменат засекогаш.
Малибу, август 1983 година. Тоа е денот на годишната забава на Нина Рива по повод крајот на летото. Исчекувањето е трескавично. Сите сакаат да бидат во близина на познатите Рива: Нина, талентираната сурферка и супермодел; браќата Џеј и Хад, едниот шампион во сурфање, другиот признат фотограф; и нивната обожавана помала сестра Кит. Заедно, тие се извор на фасцинација во Малибу и во светот – особено како потомци на легендарниот пејач Мик Рива.
Единствената личност која не е баш воодушевена од забавата на годината е самата Нина, која никогаш не сакала да биде во центарот на вниманието и која кусо пред тоа е јавно отфрлена од нејзиниот сопруг – професионален тенисер. Секако, можеби и Хад – поради одложувањето на еден разговор со неговиот брат со кого се неразделни од раѓање.
Од друга страна, Џеј ги брои минутите до забавата, бидејќи девојката на која не може да престане да мисли, му вети дека ќе биде таму.
И Кит има неколку свои тајни – вклучително и гостинот кој го поканила без да ги консултира другите.
До полноќ забавата ќе биде надвор од контрола. До утрото, куќата на Рива ќе исчезне во пламен. Но, пред таа прва искра во раните утрински часови, на сите страни ќе тече алкохол, ќе ечи музика и љубовта и тајните што ги обликувале генерациите од ова семејство ќе испливаат на површина.
„Малибу во пламен“ е приказна за една незаборавна ноќ во животот на едно семејство: ноќ во која секој од нив треба да реши што ќе избере од луѓето кои ги создале… и што ќе остави зад себе.
-
Sale!
Солзите на Афродита
1499,00 денВо најновиот роман на Хана Филдинг, млада жена- археолог патува на далечниот остров Хелиос, каде што се заплеткува во мрежата на мрачна опсесија, таинственост и на заведување.
Во античка Грција, една од дванаесетте мачни задачи на Херкул била да го врати златното јаболко од Градината на хесперидите. Тоа што добива можност да стане дел од тимот грчки нуркачи на островот Хелиос, на археологот Ориел Андерсон ѝ се чини како да го освоила златното јаболко на нејзините сништа.
Но, нејзиниот сон се претвора во кошмар кога наидува на Дамјан Теодоракис, човек со ѓаволски карактер и сопственик на островот: во шокот од препознавањето, ја преплавува сеќавање на една романтична ноќ што шест месеци претходно ја поминала во прегратките на туѓинец.
Сега пред неа стои еден многу поинаков човек: Ориел насетува дека зајадливиот грчки автократ по секоја цена е решен да се игра мачка и глушец со неа.
Тие двајца влегуваат во меѓусебни пресметки, страстите растат, а Ориел станува свесна дека од сенките наоколу ја набљудуваат злонамерни очи. За семејството Теодоракис со шепот се раскажуваат мрачни приказни. Какви сè опасности се кријат на Хелиос, волшебна земја каде што до денешен ден се изведуваат древни ритуали за да се задоволат боговите, каде што млади мажи си го ризикуваат животот во опасните длабочини на Јонско Море, каде што во секој момент може да еруптира нестабилната површина?
Ќе ги најде ли Ориел скриените богатства по кои трага?
Или, пак, ќе ги стаса трагичното минато на Дамјан, кое се заканува дека ќе ги повлече и двајцата на дно?Во најновиот роман на Хана Филдинг, млада жена- археолог патува на далечниот остров Хелиос, каде што се заплеткува во мрежата на мрачна опсесија, таинственост и на заведување.
Во античка Грција, една од дванаесетте мачни задачи на Херкул била да го врати златното јаболко од Градината на хесперидите. Тоа што добива можност да стане дел од тимот грчки нуркачи на островот Хелиос, на археологот Ориел Андерсон ѝ се чини како да го освоила златното јаболко на нејзините сништа.
Но, нејзиниот сон се претвора во кошмар кога наидува на Дамјан Теодоракис, човек со ѓаволски карактер и сопственик на островот: во шокот од препознавањето, ја преплавува сеќавање на една романтична ноќ што шест месеци претходно ја поминала во прегратките на туѓинец.
Сега пред неа стои еден многу поинаков човек: Ориел насетува дека зајадливиот грчки автократ по секоја цена е решен да се игра мачка и глушец со неа.
Тие двајца влегуваат во меѓусебни пресметки, страстите растат, а Ориел станува свесна дека од сенките наоколу ја набљудуваат злонамерни очи. За семејството Теодоракис со шепот се раскажуваат мрачни приказни. Какви сè опасности се кријат на Хелиос, волшебна земја каде што до денешен ден се изведуваат древни ритуали за да се задоволат боговите, каде што млади мажи си го ризикуваат животот во опасните длабочини на Јонско Море, каде што во секој момент може да еруптира нестабилната површина?
Ќе ги најде ли Ориел скриените богатства по кои трага?
Или, пак, ќе ги стаса трагичното минато на Дамјан, кое се заканува дека ќе ги повлече и двајцата на дно? -
Sale!
Габриела, каранфилче и цимет
0400,00 денНајпознатиот модерен бразилски писател Жорже Амадо нè пренесува во времето на владетелите на какаото во бразилската провинција Баија, кога недоразбирањата се решавале со пиштоли, а од мажот што е изневерен се очекувало да ја исчисти својата чест со убивање на прељубничката и на нејзиниот љубовник.
Оваа хроника на еден град, на една страст, омаж на богатата бразилска култура, роман замислен и како химна на сензуалноста на тамошните жители, особено на жените, во последните неколку децении доживеа огромен број изданија и филмски екранизации.
Секое од поглавјата почнува со песна посветена на една жена, а, заговарајќи ја женската слобода, особено сексуалната, Амадо ја шокирал и ја разгневил тогашната бразилска јавност. Бесот со времето исчезнал, а книгата станала еден од омилените бразилски романи на 20 век. Иако бил употребен како основа за сапуници, го задржува раскажувачкото мајсторство.
-
Sale!
Затворениот ковчег
0400,00 денЛеди Ателинда Плејфорд е една од омилените авторки на книги за деца. Таа приредува забава на својот имот. Тоа не е обичен собир. Додека гостите пристигнуваат, леди Плејфорд го повикува својот адвокат за да го измени тестаментот и сето тоа да го соопшти во текот на вечерта. Одлучува да ги лиши сопствените деца од сè, а целото богатство да му го остави на некој кому му остануваат сè на сè неколку недели живот.
Меѓу гостите се и двајца мажи што дотогаш ги нема сретнато – белгискиот детектив Херкул Поаро и Едвард Качпул, инспектор од Скотланд јард. Ниту еден од нив не знае зошто е повикан. Поаро се прашува дали леди Плејфорд очекува да се случи убиство, но не може да сфати зошто таква провокација кога се знае дека можниот убиец е меѓу присутните?
Кога убиството навистина ќе се случи, и покрај сите обиди на Поаро да го спречи, ќе може ли славниот детектив да ја открие вистинската причина зошто леди Плејфорд ја направила драстичната промена во тестаментот? И, ќе може ли да го открие вистинскиот убиец?
-
Sale!
Никаде без ќерка ми
0450,00 денНикаде без ќерка ми е автентична
приказна за љубовта, за личната драма,
за траумите и за понижувањата на една
современа Американка.По неуспешниот брак, Бети се вљубува во штотуку
дипломиран лекар – Иранец. Љубовната идила по две-три
години завршува со брак, а по извесно време брачниот
пар одлучува да го посети Иран, заедно со својата тригодишна ќерка. Иако Бети се плаши дека нема да се врати
оттаму, сепак одлучува да го придружува својот сопруг. Патувањето се совпаѓа со периодот кога во Иран се
случуваат крупни политички промени, односно, кога на власт доаѓа имамот Хомеини и кога Иран станува Исламска Република.Нејзините стравувања многу брзо стануваат реалност. Бети со својата ќерка станува заложник на мрачното семејство на нејзиниот сопруг.
По низа драматични случувања, таа успева да избега од Техеран со својата ќерка и да дојде во САД.
Никаде без ќерка ми е книга за бескрајната
мајчинска љубов и за издржливоста, но и за
муслиманскиот фанатизам, како и за судирот
помеѓу западната култура и културата на
исламските државни уредувања. -
Sale!
И на небо и на земја
0200,00 денИ на небо и на земја првпат се појавува во 1962 година, две години по инаугурацијата на Петре М. Андреевски во македонската книжевна историографија.
Како што сугерира и насловот на оваа стихозбирка, писателот нè внесува во својот свет на дуалности, каде што гравитациска сила е метафората.
Зајмувајќи ги темните и светлите нишки на фолклорот, тој плете асоцијативни слики за македонскиот пејзаж и за луѓето, за патилата и болките на човекот во потрагата по лебот среде неизвесноста на природата. Но, пее и за радоста заради совладувањето на сушите, на поплавите и пожарите, со непатетичен тон и незанесено, што ги прави неговите песни подлабоки и посуштински.
-
Sale!
Солунска 28, втор дел
0480,00 денВо вториот дел од трилогијата, посветена на луѓето и на случувањата кои поминуваа низ дорќолската куќа на брегот на Дунав, д-р Карајлиќ по којзнае кој пат докажува дека поседува неисцрпна енергија со којашто успева да се избори со најголемите животни и уметнички предизвици. Раскажувајќи за сè она што ги снашло станарите на Солунска 28 во текот на германската окупација на Белград во Втората светска војна, д-р Карајлиќ еднакво нуди читачко уживање и на оние што го прочитале првиот дел од трилогијата, но и на оние што дури сега се придружуваат на армијата негови верни читатели. Продолжението на монументалната сага за една куќа, за еден град и за два света, уште еднаш потврдува дека нашата книжевност добила еден нов, поинаков и храбар глас во д-р Карајлиќ, со кој овој сестран уметник умее, а и има толку многу важно да ни каже.
-
Sale!
Миа во Амстердам (Јас сум Миа #2)
0250,00 ден„Не одам.“
„Како мислиш, не одиш?“
„Така, не одам.“
„Со купени карти! И спакувани куфери!“
Па, што ако
-
Sale!
Куќата со жолта фасада
1300,00 денЕдно необично и неочекувано запознавање, целосно го менува животот на младата Ева и засекогаш ѝ го заробува срцето. Љубовта која се разви од тој магичен момент, е толку волшебна што ни самата не може да поверува. Среќниот и исполнет живот со Виктор, е многу повеќе од она што таа верува и очекува од еден маж. Нивната приказна е завиена во мистериозноста на неговото појавување во нејзиниот живот и настаните кои само ја зацврстуваат љубовта меѓу нив. Ева повеќе не може да го замисли животот без Виктор, сè до оној момент кога ќе мора да научи да живее без него.
Приказна за силата на љубовта и силата на жената која останува да стои исправена пред предизвиците кои ѝ ги носи судбината и може да го поднесе секој товар, поради желбата за продолжување на животот.
Билјана Мартиновска е родена на 8 август 1977 година во Струга. Книгата „Куќата со жолта фасада“ е нејзино второ авторско дело. Живее и твори во родниот град.
-
Sale!
Човек од костени
0500,00 денАко го најдеш, готово е.
Тој веќе доаѓа по тебе.
Сè започна едно утро кога полицијата пронајде тело на убиена жена во мирното предградие на Копенхаген. Од тој момент, граѓаните живеат во страв од немилосрдниот убиец чиј потпис е „човек од костени“ – кукла направена од кибритчиња и два костени, што ги остава на секое место на злосторството. Додека ги проучуваат трагите, форензичарите ќе дојдат до шокантно откритие: отпечатокот од прстот е од девојчето што исчезна пред една година и го сметаа за мртво.
Може ли убиецот да биде клуч за решавање на старото злосторство? И дали сè е само случајност или можеби нешто многу позаплеткано? Времето истекува, а убиецот го продолжува крвавиот пир. За да ги спасат невините животи, детективите мораат да преминат преку меѓусебните расправии и да откријат кој се крие зад овие свирепи убиства. Едно е сигурно, неговата мисија не е завршена. И никој не е безбеден.КНИГА ШТО ДОЖИВЕА НЕВЕРОЈАТЕН СВЕТСКИ УСПЕХ
НАСКОРО КАКО ТВ СЕРИЈА НА „НЕТФЛИКС“„Еден од најдобрите и најстрашните трилери оваа година… ќе ве хипнотизира вештината на новиот мајстор во жанрот.“
‒ Киркус Ривјус„Неверојатна приказна и крај што ве остава без здив.“
‒ Њујорк Тајмс -
Sale!
Девет
0350,00 денСаво Николиќ, познат дизајнер, на деветгодишна возраст падна на глава и доживеа тежок потрес на мозокот со целосно губење на помнењето.
Триесет години подоцна сплет од драматични случувања предизвикува помнењето постепено да почне да му се враќа, сè додека не наврши девет години, вторпат.
Славимир Стојановиќ Футро е белградски дизајнер, визуелен уметник, креатор на лајфстајл-брендот Футро и автор на серијалот детски сликовници „Авантурите на Синги Лумба“. Неговите проекти во доменот на дизајнот имаат добиено повеќе од 300 меѓународни награди. Добитник е и на наградата за животно дело на Здружението за пазарна комуникација на Србија. Ова е негов прв роман.