-
Меморија за најмалите
0380,00 денПрва мемориска игра за најмалите: Прекрасен избор помеѓу мемориските игри за најмалите деца направена од тврд картон. Може да биде користена како класична игра меморија или картички за едноставно препознавање ликови од „Светот на Биби“. Родителите може да ги користат овие разнобојни картички да индуцираат одредени зборови. Победник во оваа игра е оној што ќе пронајде повеќе ликови/парови. Сетот е направен со 16 картички.
-
Жирафата Жижи
0200,00 денДругарчиња, сте чуле ли за новата жителка на волшебната шума? Не? Значи не знаете за хаосот што го направи таа… Дури и во сликовницава! Многу е мала, а многу е немирна, трча наоколу и се губи. Ќе ни помогнете ли да ја најдеме? Да? Јееј!
-
Месечина
0390,00 денЗначи, другарчиња, Боби си читал сликовница во собата, но кога снемало струја, наеднаш станал и погледнал пред себе. 👀 На подот си ја видел сенката и многу се зачудил! Па како може ноќе да има сенка?!. си рекол, нели само Сонцето и светилките прават сенки? Се свртил и ја видел Месечината на небото. Но, како може Месечината толку да свети, се запрашал.
-
Остани позитивен со Марко Аурелиј
0280,00 денМожам ли да останам позитивен и спокоен?
Овие се големи прашања што сите си ги поставуваме во одреден момент од животот. Но воопшто не е лесно да се најде соодветен и мудар одговор. Замислете си дека сите овие секојдневни прашања можете да му ги поставите на најголемиот стоички филозоф Марко Аурелиј. Оваа книга ви го овозможува тоа, зашто во неа ќе најдете:
– 79 прашања за животот
– 79 одговори од Марко Аурелиј приспособени на денешниот јазик
– поттикнувачки размисли за да го задржите позитивниот став во животот.
Кога работите течат совршено, оваа книга ќе ви помогне да го задржите духовниот мир. Но кога ќе тргнат наопаку – во семејството, љубовта, социјалните односи, работата – овие пораки ќе ви помогнат да им пристапите од поинаква перспектива и да ја издигнете својата свест. Само со таква свест ќе можете да се самосознаете и да стекнете храброст за надминување на проблемите и страдањето.
-
Остани спокоен со Сенека
0280,00 денСе чувствувам изгубено, како да не сум на вистинскиот пат.
Се споредувам со другите и се чувствувам неуспешно.
Толку сум преплавен со мисли што не можам да спијам.
Се пронајдовте ли во некоја од овие реченици? Не грижете се, сите понекогаш се чувствуваме така, и тоа е сосем нормално. Но само малкумина успеваат мудро да се справат со овие прашања на секојдневното постоење. Нивните одговори ги знае еден од најголемите филозофи на светот, Сенека, кој ги запишал во своите писма. Што ако некој ги приспособи на сегашниот живот и ви овозможи да го намалите стресот, да го живеете животот што е можно помирно, попозитивно и поисполнето? Јана Капри и Чаран Дијаз го сторија тоа во оваа книга, во која ќе пронадете:
– 79 прашања за животот
– 79 одговори инспирирани од стоикот Сенека
– психолошки промислувања што ќе ви овозможат да живеете исполнет живот.
Ви посакуваме среќно психолошко-филозофско патување, во текот на кое ќе чувствувате помалку неспокој во друштвото на Сенека. Вклопете се во стоичкиот пристап кон животот и променете го начинот на кој мислите, за да може да го разубавите и да го збогатите својот живот.
-
Кога никој не гледа
0500,00 денАко сакаш да го задржиш тоа што е твое, мора подобро да го чуваш. Некој секогаш демне да ти го грабне она што си го добила.
Сидни Грин е родена и порасната во Бруклин, но нејзиниот крај одеднаш брзо почнува да се менува. Речиси прекуноќ никнуваат згради со луксузни станови, насекаде има огласи за продажба на куќите, а соседите што ги познава цел живот ненадејно исчезнуваат. Раскинувана од болка поради пропаднатиот брак и загубата на мајка си, таа решава да организира туристичка обиколка на Бруклин, во чија подготовка ѝ се придружува новиот сосед, белецот Тео.
Но нивното заедничко истражување на историјата на црните населби се претвора во виор од параноја и страв. Можеби има вистина во приказните за киднапирање и насилно одземање на домовите? Можеби нивните соседи воопшто не се преселиле во предградијата? Иако сакаат да ги отфрлат теориите на заговор, наскоро откриваат дека зад плановите за ревитализација се кријат сосема поинакви мотиви.
Можат ли Сидни и Тео доволно да си веруваат себеси, и еден на друг, за да дознаат што се случува – пред и самите да исчезнат во морничавите планови на една корпорација гладна за профит?
-
Малибу во пламен
0480,00 денЧетворица познати браќа и сестри организираат епска забава за да го прослават крајот на летото. Но, во период од 24 часа нивните животи ќе се сменат засекогаш.
Малибу, август 1983 година. Тоа е денот на годишната забава на Нина Рива по повод крајот на летото. Исчекувањето е трескавично. Сите сакаат да бидат во близина на познатите Рива: Нина, талентираната сурферка и супермодел; браќата Џеј и Хад, едниот шампион во сурфање, другиот признат фотограф; и нивната обожавана помала сестра Кит. Заедно, тие се извор на фасцинација во Малибу и во светот – особено како потомци на легендарниот пејач Мик Рива.
Единствената личност која не е баш воодушевена од забавата на годината е самата Нина, која никогаш не сакала да биде во центарот на вниманието и која кусо пред тоа е јавно отфрлена од нејзиниот сопруг – професионален тенисер. Секако, можеби и Хад – поради одложувањето на еден разговор со неговиот брат со кого се неразделни од раѓање.
Од друга страна, Џеј ги брои минутите до забавата, бидејќи девојката на која не може да престане да мисли, му вети дека ќе биде таму.
И Кит има неколку свои тајни – вклучително и гостинот кој го поканила без да ги консултира другите.
До полноќ забавата ќе биде надвор од контрола. До утрото, куќата на Рива ќе исчезне во пламен. Но, пред таа прва искра во раните утрински часови, на сите страни ќе тече алкохол, ќе ечи музика и љубовта и тајните што ги обликувале генерациите од ова семејство ќе испливаат на површина.
„Малибу во пламен“ е приказна за една незаборавна ноќ во животот на едно семејство: ноќ во која секој од нив треба да реши што ќе избере од луѓето кои ги создале… и што ќе остави зад себе.
-
Солзите на Афродита
1499,00 денВо најновиот роман на Хана Филдинг, млада жена- археолог патува на далечниот остров Хелиос, каде што се заплеткува во мрежата на мрачна опсесија, таинственост и на заведување.
Во античка Грција, една од дванаесетте мачни задачи на Херкул била да го врати златното јаболко од Градината на хесперидите. Тоа што добива можност да стане дел од тимот грчки нуркачи на островот Хелиос, на археологот Ориел Андерсон ѝ се чини како да го освоила златното јаболко на нејзините сништа.
Но, нејзиниот сон се претвора во кошмар кога наидува на Дамјан Теодоракис, човек со ѓаволски карактер и сопственик на островот: во шокот од препознавањето, ја преплавува сеќавање на една романтична ноќ што шест месеци претходно ја поминала во прегратките на туѓинец.
Сега пред неа стои еден многу поинаков човек: Ориел насетува дека зајадливиот грчки автократ по секоја цена е решен да се игра мачка и глушец со неа.
Тие двајца влегуваат во меѓусебни пресметки, страстите растат, а Ориел станува свесна дека од сенките наоколу ја набљудуваат злонамерни очи. За семејството Теодоракис со шепот се раскажуваат мрачни приказни. Какви сè опасности се кријат на Хелиос, волшебна земја каде што до денешен ден се изведуваат древни ритуали за да се задоволат боговите, каде што млади мажи си го ризикуваат животот во опасните длабочини на Јонско Море, каде што во секој момент може да еруптира нестабилната површина?
Ќе ги најде ли Ориел скриените богатства по кои трага?
Или, пак, ќе ги стаса трагичното минато на Дамјан, кое се заканува дека ќе ги повлече и двајцата на дно?Во најновиот роман на Хана Филдинг, млада жена- археолог патува на далечниот остров Хелиос, каде што се заплеткува во мрежата на мрачна опсесија, таинственост и на заведување.
Во античка Грција, една од дванаесетте мачни задачи на Херкул била да го врати златното јаболко од Градината на хесперидите. Тоа што добива можност да стане дел од тимот грчки нуркачи на островот Хелиос, на археологот Ориел Андерсон ѝ се чини како да го освоила златното јаболко на нејзините сништа.
Но, нејзиниот сон се претвора во кошмар кога наидува на Дамјан Теодоракис, човек со ѓаволски карактер и сопственик на островот: во шокот од препознавањето, ја преплавува сеќавање на една романтична ноќ што шест месеци претходно ја поминала во прегратките на туѓинец.
Сега пред неа стои еден многу поинаков човек: Ориел насетува дека зајадливиот грчки автократ по секоја цена е решен да се игра мачка и глушец со неа.
Тие двајца влегуваат во меѓусебни пресметки, страстите растат, а Ориел станува свесна дека од сенките наоколу ја набљудуваат злонамерни очи. За семејството Теодоракис со шепот се раскажуваат мрачни приказни. Какви сè опасности се кријат на Хелиос, волшебна земја каде што до денешен ден се изведуваат древни ритуали за да се задоволат боговите, каде што млади мажи си го ризикуваат животот во опасните длабочини на Јонско Море, каде што во секој момент може да еруптира нестабилната површина?
Ќе ги најде ли Ориел скриените богатства по кои трага?
Или, пак, ќе ги стаса трагичното минато на Дамјан, кое се заканува дека ќе ги повлече и двајцата на дно? -
Габриела, каранфилче и цимет
0400,00 денНајпознатиот модерен бразилски писател Жорже Амадо нè пренесува во времето на владетелите на какаото во бразилската провинција Баија, кога недоразбирањата се решавале со пиштоли, а од мажот што е изневерен се очекувало да ја исчисти својата чест со убивање на прељубничката и на нејзиниот љубовник.
Оваа хроника на еден град, на една страст, омаж на богатата бразилска култура, роман замислен и како химна на сензуалноста на тамошните жители, особено на жените, во последните неколку децении доживеа огромен број изданија и филмски екранизации.
Секое од поглавјата почнува со песна посветена на една жена, а, заговарајќи ја женската слобода, особено сексуалната, Амадо ја шокирал и ја разгневил тогашната бразилска јавност. Бесот со времето исчезнал, а книгата станала еден од омилените бразилски романи на 20 век. Иако бил употребен како основа за сапуници, го задржува раскажувачкото мајсторство.
-
Затворениот ковчег
0400,00 денЛеди Ателинда Плејфорд е една од омилените авторки на книги за деца. Таа приредува забава на својот имот. Тоа не е обичен собир. Додека гостите пристигнуваат, леди Плејфорд го повикува својот адвокат за да го измени тестаментот и сето тоа да го соопшти во текот на вечерта. Одлучува да ги лиши сопствените деца од сè, а целото богатство да му го остави на некој кому му остануваат сè на сè неколку недели живот.
Меѓу гостите се и двајца мажи што дотогаш ги нема сретнато – белгискиот детектив Херкул Поаро и Едвард Качпул, инспектор од Скотланд јард. Ниту еден од нив не знае зошто е повикан. Поаро се прашува дали леди Плејфорд очекува да се случи убиство, но не може да сфати зошто таква провокација кога се знае дека можниот убиец е меѓу присутните?
Кога убиството навистина ќе се случи, и покрај сите обиди на Поаро да го спречи, ќе може ли славниот детектив да ја открие вистинската причина зошто леди Плејфорд ја направила драстичната промена во тестаментот? И, ќе може ли да го открие вистинскиот убиец?
-
Илон Маск: „Тесла“, „Спејс Екс“ и потрагата по фантастична иднина
0600,00 денЗа едни гениј на векот, за други луд научник, Илон Маск несомнено успева да го привлече вниманието не само во технолошката индустрија туку генерално на целиот свет. Со докажана натпросечна интелигенција, човекот што стои зад „Тесла“ и „Спејс екс“ во исто време го величаат и го осудуваат за неговиот опсесивен, често нетолерантен перфекционизам.
Илон Мaск е амалгам на легендарните пронаоѓачи и индустријалци: Томас Едисон, Хенри Форд, Хауард Хјус и Стив Џобс. Но, повеќе од кој било друг, Маск ги посвети сета своја енергија и огромно богатство да измисли иднина што е исто толку богата и далекосежна како и онаа на визионерите од златната доба на научната фантастика.
Оваа исклучителна биографија напишана од Ешли Венс мошне објективно успева да го долови човекот што многу често е споредуван со фамозниот Тони Старк, не дозволувајќи самиот Маск да се меша во содржината. Опфаќајќи ги неговите детски години, па сè до електричниот автомобил и ракетите, Венс проникнува во умот на најинтригантната фигура во Силициумската Долина, откривајќи детали не само за функционирањето на неговите компании туку и за неговиот личен живот.
Духовитиот стил, живописното раскажување и интервјуата лично со Маск и со луѓето што биле со него во неговите најважни моменти се она што прави оваа книга да биде прочитана во еден здив.
-
Пропаганда
0300,00 денЕдвард Бернејс: првиот спин-доктор, американскиот Гебелс, таткото на односите со јавноста, внук на Зигмунд Фројд, па дури и инспирација за име на музички бенд.
„Пропаганда“: како да се манипулира со јавното мислење во политиката, судството, маркетингот, медиумите, односите со јавноста, бизнисот, уметноста, образованието?
Оваа книга не премолчува ниту еден аспект на манипулација со јавното мислење, уште повеќе, тоа го смета за сосем легитимна појава што секогаш ќе постои.
Интелигентното малцинство има право да го предводи помалку интелигентното мнозинство кон целите што се во интерес на малцинството, тврди Бернејс. Книгата е пишувана не толку од гледна точка на теоретичар, колку од практичар и професионалец што секојдневно се занимавал со проблеми и со решенија.
Бернејс низ единаесет поглавја опфаќа различни области и опишува вистински ситуации во кои пропагандата се користи како алатка што ќе обезбеди успех и напредок за секого од неговите клиенти.
Ќе ги уочите културата на консумеризам, групната психологија и семејната поврзаност со Фројд, која му помогнала на Бернејс да ги разбере емотивните и потсвесните потреби на просечниот потрошувач.
Капитално дело на основачот на односите со јавноста како професија и на изумителот на спинувањето. Покрај тоа што е задолжителна литература на сите катедри за односи со јавноста, комуникологија, новинарство и политички науки, како еден од најважните учебници од областа на односите со јавноста, од своето прво објавување во 1928 година до денес таа не престанува да ја бранува јавноста и да предизвикува контроверзии и расправи.
-
Никаде без ќерка ми
0450,00 денНикаде без ќерка ми е автентична
приказна за љубовта, за личната драма,
за траумите и за понижувањата на една
современа Американка.По неуспешниот брак, Бети се вљубува во штотуку
дипломиран лекар – Иранец. Љубовната идила по две-три
години завршува со брак, а по извесно време брачниот
пар одлучува да го посети Иран, заедно со својата тригодишна ќерка. Иако Бети се плаши дека нема да се врати
оттаму, сепак одлучува да го придружува својот сопруг. Патувањето се совпаѓа со периодот кога во Иран се
случуваат крупни политички промени, односно, кога на власт доаѓа имамот Хомеини и кога Иран станува Исламска Република.Нејзините стравувања многу брзо стануваат реалност. Бети со својата ќерка станува заложник на мрачното семејство на нејзиниот сопруг.
По низа драматични случувања, таа успева да избега од Техеран со својата ќерка и да дојде во САД.
Никаде без ќерка ми е книга за бескрајната
мајчинска љубов и за издржливоста, но и за
муслиманскиот фанатизам, како и за судирот
помеѓу западната култура и културата на
исламските државни уредувања. -
И на небо и на земја
0200,00 денИ на небо и на земја првпат се појавува во 1962 година, две години по инаугурацијата на Петре М. Андреевски во македонската книжевна историографија.
Како што сугерира и насловот на оваа стихозбирка, писателот нè внесува во својот свет на дуалности, каде што гравитациска сила е метафората.
Зајмувајќи ги темните и светлите нишки на фолклорот, тој плете асоцијативни слики за македонскиот пејзаж и за луѓето, за патилата и болките на човекот во потрагата по лебот среде неизвесноста на природата. Но, пее и за радоста заради совладувањето на сушите, на поплавите и пожарите, со непатетичен тон и незанесено, што ги прави неговите песни подлабоки и посуштински.
-
Јас сум Миа: Дневник за девојчиња
0300,00 денТинејџерка си? Или можеби наскоро ќе бидеш?
Тогаш нема шанси да не ти се случуваат возбудливи работи во животот!
Ако имаш многу другарки, другари, дечко, симпатија, проблеми, убави настани, милениче, желби, соништа… сѐ тоа вреди да се запише во овој ДНЕВНИК!
-
Ljetna kraljica
0420,00 денOvaj zadivljujući roman upoznaje nas s Eleonorinim osobinama što su ih previdjeli svi drugi pisci, a temelji se na novim istraživanjima, i prvo je književno djelo koje Eleonoru prikazuje na početku bračnoga života, u dobi od trinaest godina. Priča o toj ženi koja je ušla u legendu puna je sablazni, strasti, slavodobitnosti i tragedija, a počinje kad u ljeto 1137. godine Eleonori umire voljeni otac, a ona je prisiljena udati se za mladoga kraljevića Luja Francuskoga. Život će joj se gotovo nevjerojatno promijeniti, jer tjedan dana poslije vjenčanja postaje francuska kraljica… Eleonora mora napustiti sve što je dotad poznavala, a njezin novi život ispunjen je rizikom – ali i neograničenim mogućnostima. Još nedavno je bila dijete, a sad se na svakom koraku sučeljava s krupnim skandalima, lažnim prijateljstvima, ali i sa zabranjenom ljubavi, pa mora koristiti svu svoju oštroumnost i lukavstvo da sebi osigura budućnost i postane jedna od najmoćnijih žena na svijetu.