-
Sale!
Слобода од познатото
0280,00 денЗа да се гледа не се потребни ни философија ни учител. Никој не мора да ви каже како да гледате. Едноставно гледате.
Нашиот свет е полн со насилство и страдање и потребна му е промена. Но како таа да се постигне? Кришнамурти нè поттикува активно да (се) истражуваме и да излеземе од стапицата на познатото за да можеме да постигнеме промена во себе, а со тоа и промена во мислењето и однесувањето на целото човештво.
Што е освестеноста и како да се постигне, во што е суштината на човековата потрага, што е љубовта, зошто се плашиме од смртта, зошто страдаме и зошто нашиот ум е несреќен?… се само дел од поважните теми што ги обработува Кришнамурти покажувајќи како луѓето можат радикално и брзо да се ослободат од тиранијата на очекуваното, без разлика на својата припадност. Големиот учител ни нуди изобилна духовна ризница од која читателот ќе црпи со задоволство и благодат.
„Кришнамурти ми изврши длабоко влијание и ми помогна да ги надминам самонаметнатите ограничувања на мојата слобода.“
Дипак Чопра
„Еден од најголемите мислители на сите времиња.“
Далај-лама
-
Sale!
Патот на супериорниот маж
0400,00 денСмела, предизвикувачка и многу длабока книга.
Патот на супериорниот маж од Дејвид Деида, светски познат гуру за личен развој и духовна сексуалност, е практичен водич за живеење машки живот со интегритет, автентичност и слобода, во сите области од животот – кариера, хоби, пријателство, интимност, љубов, секс.
Преведен на над 20 јазици, овој бестселер на Деида е длабок и возбудлив водич за патот на самоуверениот маж кој е подготвен да се усовршува надминувајќи ги пречките и да си поставува нови цели живеејќи во хармонија со себе и со светот. А среќната врска со саканата жена е многу значаен дел од тој пат. Ефикасните, несекојдневни и на многу начини револуционерни совети и телесни практики од Деида се однесуваат на сите аспекти на заедничкиот живот: од решавање на секојдневните прашања до способноста да се дава и да се прима највисоко задоволство во сексот.
„Патот на супериорниот маж поставува предизвик пред сите мажи да ја исполнат својата вистинска цел и да бидат автентично мажествени. Искористете ја можноста со оваа книга во раката.“
Тони Робинс
„Оваа книга ќе навреди и разгневи некои луѓе, ќе инспирира и тестира други, но ќе ги предизвика буквално сите…“
Кен Вилбер
-
Sale!
Дај си петка!
0550,00 денВо својата книга Правилото „Пет секунди“, наслов што се претвори во светски феномен, Мел Робинс научи милиони луѓе низ светот на тајната кон мотивираноста наречена „пет секунди“. А сега, се враќа со уште едно, многу едноставно и проверено функционално средство што можете да го искористите за да преземете контрола врз својот живот, наречено „Дај си петка!“.
Но насловот нека не ве залажува. Во оваа книга не се зборува за тоа дека на сите личности во својот живот треба да им „Давате петка!“. Вие тоа и онака веќе го правите. Им кликате на омилените спортски тимови. Им честитате на пријателите. Ги поддржувате своите сакани додека тежнеат кон она што го посакуваат во своите животи.
Замислете со иста таква љубов и охрабрување да се опсипувате себеси. Или, уште подобро, замислете тоа да ви стане секојдневна навика.
Никој нема да може да ве сопре.
Во оваа книга, Мел ве учи како да почнете да правите „да пукне“ на најважната личност во својот живот, онаа што ви го возвраќа погледот во огледалото: САМИТЕ СЕБЕСИ.
Ако се борите со себесомневања (а, кој и не се бори?)…
Ако веќе ви се смачило од тој здодевен и упорен критичар во вашата глава (аман веќе, нека го избрка некој!)…
Ако сте крајно успешни, но единствено се концентрирате врз тоа што не чини (не сте единствените)…
Ако ви е веќе преку глава да гледате како сите други напредуваат, а вие туку си седите на каучот дома со кучето (немојте сега и кучево да го вмешувате во ова)…
…Мел книгава ви ја посветува вам.
Навиката „Дај си петка!“ е едноставна, а длабока алатка, која ќе ви ги промени ставот, начинот на размислување и однесувањето. И затоа, подгответе се да се смеете и да учите додека преземате чекори со кои веднаш ќе си ги засилите самодовербата, среќата и постигнатите резултати.
Време е за „Дај си петка!“, време е да си ги пружите уважувањето и поддршката што ги заслужувате.
-
Sale!
7 тајни на успехот
0480,00 денКенан Црнкиќ е автор на балкански бестселери за успехот и среќата.
Неговата прва книга „7 тајни на успехот“, како едноставен и практичен водич до успехот, предизвика своевидна сензација, ги собори сите рекорди на продажба, во рок од само 10 дена од издавањето се искачи на првото место. Во првата година го доживеа своето неверојатно десетто јубилејно издание, како и превод на повеќе странски јазици. Книгата со симболичен наслов „Внимавај кој волк го храниш“ е вториот наслов од овој популарен автор. Оваа книга, која зборува за среќата – како да се пронајде, постигне и трајно задржи во нашиот живот, ги надмина сите очекувања и ја освои титулата култна книга и ултимативен балкански бестселер. Авторот е доктор по економски науки и професор на многубројни универзитети во земјата и во странство. Во теоретска смисла, се образувал на престижни универзитети и бизнис-училишта, а специјалистичките студии успешно ги завршил на познатата школа за бизнис, на Харвард во Соединетите Американски Држави. Во практична смисла д-р Црнкиќ успешно раководел мултимилионски корпорации и фондации во приватно, но и во државно сопствеништво. Стана препознатлив по својата стручност па извршува голем број функции во управни, советодавни и стручни комисии, а моментно е и потпретседател на Европскиот комитет за претприемаштво. Неговите книги се преведени на повеќе странски јазици, како и на Брајево писмо. -
Sale!
Децата и разводот
0450,00 денВо својот научен труд „Децата и разводот: Психологија на разводот од перспектива на децата“ – што е адаптирана и дополнета верзија на нејзината докторска дисертација – универзитетската професорка Драгана Батиќ пишува за влијанието на разводот на родителите и на семејната структура врз менталното здравје на децата и на адолесцентите. Таа прави детален преглед на разводот како стресоген животен настан и на карактеристиките на семејствата што настануваат по разводот. Од истражувањата што ги спроведува професорката во рамките на својата работна практика, но и од истражувањата на цитираните автори кои се занимаваат со истата тема, може да се заклучи дека менталното здравје на децата и на адолесцентите на разведени родители не е изложено на ризик, односно дека за менталното здравје на децата и на адолесцентите поважни фактори се функционалноста на новоформираните семејства и кооперативниот однос помеѓу родителите, отколку самата структура на семејствата.
-
Sale!
Седумте
0450,00 денСедумте“ е дело кое нема да ве однесе само на падините и на врвовите на далечните, за повеќето од нас сосема недофатливи, па и незамисливи светови. Овој патопис на Илина Арсова е документ не само за нејзините патешествија и подвизи што оставија неизбришлива трага во историјата на македонскиот спорт, туку претставува и архив на едно време во кој преку длабоко искрен приказ на личното – од размислите до животните приказни на авторката – стигнуваме до пресек на болните проблематики на современото македонско општество.
Румена Бужаровска, писателка, професорка„Седумте“ е мистично, адреналинско, авантуристичко патување по светот, но е уште повеќе длабоко, внатрешно патување кон сопствениот гравитационен центар. Прелетувајќи преку тропските бои, џагор и мириси на Истокот, низ чудесниот остров на Екваторот проткаен со вулкански карпи, корални формации и неверојатен биодиверзитет, низ глечерите на Хималаите и бескрајната белина на Антарктикот, „Седумте“ слетува во најдлабоките прашуми на срцето и душата. Токму таму, Арсова суптилно и безрезервно ги отвора темите за љубовта, страста, тагата, дилемите и одлуките поради кои е нешто засекогаш загубено или, пак, занавек сочувано.
Маја Мухиќ, професорка и вљубеничка во адреналинските спортовиИлина е име изведено од дарежливост, среќа, насмевка, утеха, љубов. Нејзината книга е сведоштво за вистинскиот балон кој самите си го создаваме, но таа умешно е надвор од него. Кога ќе си ја спомнете, пред вас е широката насмевка која зрачи со љубов и мудрост. Има вештина! Одете и пробајте некоја ваша вештина, ќе паднете во стапица! Илина вешто ги создава стапиците и ги совладува!
Оваа книга треба да си ја имате поблиску до себе. Зборовите стануваат ваши. Илина копнеж, стремеж, врзување, допирач на ѕвезди, чувар на пеперутки и безусловно слободна!
Весна Петрушевска, актерка„Седумте“ се патописи за љубовта, за планините, за уметноста, за карпите, за езерото, за екологијата и упатства за управување со отпадот (четиво за младите генерации). За живот исполнет со спортување. Спортот за неа е лек за многу физички и психолошки состојби, а несомнено помага во градење на самодовербата и дисциплината на една личност.
„Седумте“ е книга за копнежот на Илина по нови нешта, остварување на мали и големи цели со предизвици, дестинации. Книга пишувана со искреност соголена до коска.
Илина е жител на светот, зависник од патувања, во постојана трка со времето, со планинските врвови што ја прават неизмерно среќна. Постојано се вљубува во нови работи што одбира да ги прави, што е нејзина неприкосновена пасија.
Во својот номадско-авантуристички живот е растргната меѓу различни хобија, креативна дејност, активизам, волонтерска работа, спортување, патувања… Зборот досада за неа е непознаница.
Илина Арсова е нашата национална хероина.Катица Гароска Ацевска, планинарка, книжевна преведувачка
Токму нејзиниот поглед, полн со решителност и мекост, ме плени во првата (виртуелна) средба со Илина Арсова. Од неа зрачи суптилна мешавина на сила и спокојство. Нејзиниот тон, термините што таа секогаш внимателно ги избира, ја покажуваат рамнотежата која би требало да постои меѓу луѓето и природата. Нејзините достигнувања имаат длабоко чувство на почит и поклон кон планината. За неа одењето до врвот е синоним за внатрешно патување. Тој никогаш не се освојува, можете само привремено да застанете на планинскиот врв, притоа достигнувајќи го својот.
Ванеса Буше, фотографка, новинарка и скијачка
Искрена, луцидна, интригантна, номатка, авантуристка – токму како што кажуваат почетните букви од нејзиното име – Илина ни раскажува не само за светот чие дете е, туку и за својот свет, и за нашиот свет. Свет со врвови од кои запира здивот, но и со длабоки, неистражени долини и пештери. Свет со божествена убавина, загрозен од нашата негрижа. Овие страници, проникнати со восхит и длабока почит кон природата, се освестувачка шлаканица за човештвото кое не знае да го цени тоа што го има.
Ова не е книга само за освојување на врвовите на светот. Туку и за нашите сопствени, внатрешни врвови. За негувањето на сонот и неговото остварување. За издржливоста. И најмногу за љубовта – кон ближните, кон природата, кон светот – која ни е неопходно потребна во овој отуѓен свет.
Виолета Танчева-Златева, писателка и лекторка -
Sale!
Моќта на намерата
0450,00 денВашите мисли се реални. Тие се чиста енергија.
Речиси сите ја сфаќаме намерата како решеност што нè поттикнува да оствариме некоја замисла и да не се откажуваме од неа по никоја цена. Но оваа книга ни овозможува да погледнеме на намерата од еден поинаков и мошне корисен агол.
Со вистински случаи и примери од секојдневниот живот, д-р Вејн Дајер докажува дека сè што можеме да замислиме во нашите умови може и мора да се оствари, ако останеме во хармонија со универзалниот извор што создава сè. Ние, како и сè што постои, произлегуваме од универзалното поле на намерата. Сите сме тука благодарение на нејзината невидлива но безмерна моќ. Колку побргу ќе го согледаме тоа, толку подобро ќе живееме.
Енергетското поле на намерата постоело пред воопшто да бидеме зачнати. Има начин да ја привлечеме кон себе и да го искусиме животот на едно возбудливо и повисоко ниво. Тоа поле е насекаде околу нас и само чека да му пристапиме. Ако светот хармонично вибрира со универзалниот ум на намерата, ќе биде многу поубаво место за живеење.
-
Sale!
Да се смислува и да се талка : збирка размисли од Џеф Безос
0450,00 денСо оваа фасцинантна збирка на записи од Џеф Безос – оригиналните годишни обраќања до акционерите, заедно со бројни говори и интервјуа коишто го откриваат неговиот живот, работа и развојот на неговите идеи – ќе ја разберете заднината на неговиот феноменален успех во деловниот свет.
Опфаќајќи многу теми од областа на бизнисот и политиката, од иновациите и опседнатоста со корисниците, па сè до климатските промени и освојувањето на вселената, оваа книга нуди редок увид во начинот на размислување на Безос, но и поглед во блиската иднина во чие обликување тој непосредно учествува. Книгата е напишана во директен, јасен стил и содржи неизоставни лекции за безнис-вредностите, стратегијата и извршувањето на деловните замисли.
Покрај тоа, авторот на читателот му нуди и необично јасни и разбирливи излагања на многу поими од областа на бизнисот, финансиите, јавните политики, објаснети на оригинален и лесно сфатлив начин од страна на еден од најбогатите луѓе во историјата на човештвото.
Оваа книга е неизоставно четиво за секој што сака да разбере како визионерството на само еден човек има моќ да ги унапреди животите на милиони други, и тоа на конкретен, опиплив начин. Раководители, претприемачи кои штотуку почнуваат, но и милионите потрошувачи на производите и услугите што ги нудат претпријатијата на Џеф Безос – со оваа книга сите имаат можност да ги разберат принципите на успехот на еден од најважните иноватори на денешнината.
-
Sale!
Согласност
0430,00 денПовеќе од триесет години од настаните што ги опишува во својата книга, Ванеса Спрингора го претставува процесот на немилосрдна психолошка манипулација и застрашувачка двосмисленост на согласноста со која се соочува жртвата полна со љубов. А покрај својата индивидуална приказна, таа ги доведува во прашање и настаните од цела една епоха – како и самозадоволството на една средина заслепена со сопствената слава и талент.
Во средината на осумдесеттите години на 20. век, воспитувана од страна на разведената мајка, В. со читањето ја пополнува празнината што ја оставил отсутниот татко. На возраст од само тринаесет години, на една вечера, го запознава Г., писателот чија мрачна слава не ја познава. На прв поглед била привлечена од харизмата на тој педесетгодишен маж – од неговите вљубени погледи и вниманието што ѝ го посветува. Потоа добива писмо во кое тој ја нагласува својата несовладлива потреба повторно да ја види. Сеприсутен и страстен, Г. успева да ја убеди дека ја сака и дека нема да ѝ направи ништо лошо.
Кога полни само четиринаесет години, В. му се нуди и со душата и со телото. Заканите на Одделот за малолетници уште повеќе ја засилуваат оваа опасно романтична идила. Меѓутоа, кога В. ќе забележи дека Г. отсекогаш негувал љубовни врски со адолесцентки, како и дека практикува сексуален туризам во земјите во кои малолетниците се загрозени, таа поминува низ страшно разочарување. Бидејќи зад привлечната појава на еден писател се крие предатор, В. се обидува да се оттргне од него, подготвувајќи се да ја раскаже нивната приказна.
Така настана оваа автобиографија што се темели на вистински настани…
-
Sale!
Планината си ти
0350,00 денЗа да го искачиме врвот не треба да ја совладаме планината, туку себеси.
Просветлувачка книга полна со моќни сознанија што нè поттикнува да ги искачиме сопствените планини ослободувајќи се од самосаботажата. Зошто и како се самосаботираме и како да престанеме да го правиме тоа за да си го подобриме животот?
Ние инстинктивно промената ја сфаќаме како можна закана. Затоа не е ни чудно што самите си градиме сопствени кафези и доброволно остануваме во нив, иако вратата не е заклучена. Но светлината ја наоѓаме дури тогаш кога сме подготвени да ја прифатиме темнината. Со извлекување клучен увид од нашите штетни навики, со градење емоционална интелигенција и подобро разбирање на нашите мозоци и тела, можеме да се ослободиме од минатите искуства и да дејствуваме со нашиот нависок потенцијал.
Планината си ти е повик за будење што влева надеж за надминување на сите пречки што ни стојат на патот кон себеостварувањето. Заборавете ги правилата за она на што ве учеле и свесно изберете нови уверувања за да создадете живот што длабоко го посакувате и го заслужувате.
„Врвен водич за сите кои се доволно храбри да се соочат со себе и да си ја повратат моќта.“
Џена Блек, меѓународен животен тренер
-
Sale!
Умешност на лутината: мал водич за голема лична моќ
0350,00 денПовик за сопствена револуција
„Умешност на лутината“ нè води на мало патување во лутината… Ова чувство е корен на многу наши дисфункционалности, незадоволства, несигурности, ама и учител и извор на нашата лична моќ.
Малку по малку, разбирливо и преку примери, книгата ни открива слој по слој од лутината. Што правиме со својата лутина? Зошто го правиме? Свесно ли избираме како ќе ја покажеме или ќе ја скриеме? Како тоа влијае на нашиот живот? На нашата самодоверба? На нашите лични односи? И, конечно, што можеме да преземеме околу тоа? На крајот, сфаќаме дека патувањето со „Умешност на лутината“ било патување во самите нас.
Доц. Мирјана Јовановска Стојановска, психолог/психотерапевт
Книга-амалгам за лутината – водич за трансформација
Водичот „Умешност на лутината“ е како амалгам од повеќе книги, па му го дава на читателот, без да губи многу време, она најпотребното што би го извлекол за себе од сите тие книги заедно… ретко дело наменето за пошироката читателска публика, а сепак според својата содржина не спаѓа во класичната комерцијална литература меѓу книгите за самопомош.
М-р Дора Попова Узуновски, психолог/психотерапевт
-
Sale!
Внимавај кој волк го храниш
0480,00 денКнигата „Внимавај кој волк го храниш“ е втората книга на овој популарен автор во неговиот препознатлив стил кој се карактеризира со леснотија во читањето. Одушевените читатели, како и големиот број на позитивни критики, коментари и реакции кој ја преплавија медиумската јавност се најдобра препорака за оваа книга да стане култен, балкански бестселер, како и првиот хит на Црнкиќ, „7 тајни на успехот“.
Книгата е напишана на едноставен јазик, преполна е со позитивни и корисни совети кои произведуваат инстант мотивација. Ова е книга што се чита во еден здив, но и на која постојано се враќаме пронаоѓајќи нова смисла и одговори со секое ново читање.
Брилијантни и необични приказни кои лесно се паметат и прераскажуваат, одличен почеток кој ќе ве заинтригира и ефективен крај кој ќе ве натера да размислувате, се само неколку причини зошто оваа книга едноставно не се испушта од раце и зошто е прав подарок за вашите најблиски. Среќата се зголемува кога се споделува.
-
Sale!
Да го живееме животот од своите соништа
0450,00 денКако да станете најдобра верзија за себе? Преку вистинската книга за себеспознавање! Авторката ја анализира човековата посебност врз основа на неговите ставови, емоции, чувства, желби и со едноставен јазик ни објаснува дека мораме секојдневно да бидеме благодарни за малите нешта во животот, бидејќи единствено така ќе ги почувствуваме позитивната промена и задоволството. Во седумте поглавја на книгата, Коваржик ги вклучува и своите лични искуства. Овие автобиографски моменти се во функција да го појаснат целиот процес. Aвторката со сопствен пример ни покажува дека може да се живее животот од соништата.
Прочитај и откриј се себеси – осмели се да ги оствариш своите желби и соништа!
„Сте се запрашале ли некогаш дали постои нешто повеќе од самиот живот? Истото го правела и Лидија Коваржик. Таа била токму таму каде што сте денес. Барала одговори, траги и алатки за да го подигне својот живот на повисоко ниво. Направете си голема услуга и прочитајте ја оваа книга. Лидија е тренерот кој ви треба токму сега.“
Инге Рок, основачка на Академијата „Инге Рок“
„Да се научи да се прифати сопственото постоење како едно ’Да‘ упатено за својата среќа; да се усвои сопствениот живот како уникатна можност за личен развој што води кон себеисполнување; а со сето тоа надградување и ’дотерување‘ за живот да му се изрази на битието едно ’Благодарам‘ како резултат на човековата зрелост. Тоа е животната филозофија преточена во книгата на Лидија Коваржик.“
Лордан Зафрановиќ, филмски режисер и сценограф
„Да бидеме како децата. Оваа навидум едноставна идеја, но со голема енергија и со длабок дострел одекнува во книгата на Лидија Коваржик. Поврзува често неочекувани контексти и ги вдахнува читателите да го осознаат своето битие – не само во интелектуална смисла, туку многу практично, на конкретни примери. Како секој од нас може да живее исполнет живот и да им користи на другите. На своите мисии низ сите краишта на светот, повеќепати имав можност да увидам дека ни се враќа она што симболично сме го ’пуштиле низ вода‘. Книгава што ја држите в раце е уживање. Не го оптоварува читателот со теориска мудрост, туку во секоја реченица дава надеж, леснотија и желба за живот. Да се живее со полн здив, да се живее смислено. Благодарна сум што настанало ова дело, а верувам дека тоа ќе си го пронајде патот до срцата на читателите.“
Павла Гомба, извршна директорка на УНИЦЕФ во Чешката Република
-
Sale!
Кога телото вели не
0550,00 денКога самите не сме способни да му кажеме „не“ на стресот, телото зборува место нас. А кога телото ни зборува, треба да го слушаме.
Може ли човек буквално да умре од осаменост? Дали постои „рак-личност“? Зошто и како се појавуваат артритис, дијабетес, срцеви заболувања, мултиплекс склероза… и дали можат да се излечат?
Врз основа на научните истражувања и своето повеќедецениско искуство, д-р Мате дава одговори на многу важни прашања за ефектот на телоумот врз здравјето и улогата што стресот и индивидуалната емоционална структура ја имаат во многу болести. „Целта на оваа книга е да го опише влијанието на стресот врз здравјето. Тој е толку длабоко скриен и сраснат со нас што го чувствуваме како дел од себе. Се обидуваме да го разбереме телото одвојувајќи го од умот, но тоа е голема предрасуда“, вели д-р Мате.
„Кога телото вели не“ изобилува со животни приказни на многу пациенти. Таа е откровение што придонесува за трансформативни сознанија за тоа дека болеста е начин на кој телото му кажува „не“ на она што умот не може да го признае.
„Габор Мате вешто ги обединува последните достигнувања во биомедицината со личните приказни на пациентите овозможувајќи ни длабок увид во тоа како искуствата го обликуваат нашето здравје и однесување. Книга што мора да се прочита.“
Брус Липтон, автор на „Биологија на верувањето“
„Ова е мошне важна книга, и за докторите и за обичните луѓе. Во секој случај спасува животи.“
Питер Левин, доктор по трауматски стрес
-
Sale!
Лисица
0350,00 денДелото „Лисица“ од првата дама на ексјугословенската книжевност, Дубравка Угрешиќ, е роман, автобиографија, патопис – и многу повеќе од тоа. Авторката на духовит начин се пресметува со современата книжевна сцена и со глобалните трендови, патувајќи, литерарно и физички, од Јапонија преку многу руски класици до американските авантури на Набоков, или пак до бесмисленото претставување на книгата во денешниот свет.
Што е книжевноста денес, која е нејзината улога и, уште поважно, која е улогата на писателот, дали е тој само кловн што патува низ светот, дали воопшто е возможно сè уште да се раскажуваат приказни, дали е возможно само така да се создаде роман и да се измисли приказна, како и кој има контрола над текстот, авторот или самата приказна – сите овие прашања ги поставува „Лисица“.
Без нималку патетика, преполна со фин хумор, со суптилна иронија, со книжевни и теориски референции, „Лисица“ е посвета на писателите и на пишувањето, на оние важните, неодминливите, на оние чии приказни го менуваат читателот. Такви приказни може да создаде само исклучителен раскажувач, а таква раскажувачка без сомнение е токму Дубравка Угрешиќ.
-
Sale!
Тим – официјалната биографија на Авичи
0600,00 денИнтимна биографија за Тим Берглинг – Авичи, легендарниот диџеј што прерано го напушти овој свет.
Диџејот и продуцент Тим Берглинг, во цел свет познат под уметничкото име Авичи, експлодира на музичката сцена како огномет наспроти ноќно небо. Беше музички визионер, кој со своето чувство за мелодија успеа да го дефинира периодот кога шведската и европската хаус-музика го освојуваа светот.
Но Тим Берглинг исто така бил и интровертен и кревок млад човек, принуден пребрзо да порасне. По цела серија инциденти, кои резултираат со болнички престој, тој ја прекинува турнејата летото во 2016 година. Едвај две години подоцна, си го одзема животот.
„Тим – официјалната биографија на Авичи“ е дело на наградуваниот новинар Монс Мосесон, кој добива специјален пристап до белешките на Тим, а прави интервјуа и со неговото семејство, како и со неговите пријатели и колегите од музичкиот бизнис. Биографијата искрено ги претставува Тим и неговата животна потрага, не срамејќи се од тешкотиите со кои се соочувал.