-
ТРЧАЊЕТО МЕ УЧИ
0250,00 денТрчањето ме учи е збирка текстови инспирирани и посветени на големата пасија на повеќекратниот државен шампион во трчање Кокан Ајановски. Тој ѝ е добро познат на јавноста по своите достигнувања на тркачките патеки – над 20 пати државен првак на Македонија во повеќе атлетски дисциплини – но и надвор од нив, како еден од амбасадорите на спортот кој секојдневно го популаризира и ја шири страста наречена трчање.
Овие кратки бисери се излезени од секојдневието на човекот за кого трчањето е многу повеќе од спорт – во трчањето Кокан ја пронаоѓа големата смисла на животот. Трчањето му е и животен учител чии лекции важат како на патеките така и надвор од нив. Сакајќи да сподели со вас дел од наученото, тој своите мали и големи откровенија ги пренесува на хартија, во текст полн со топлина и емоција.
Трчањето ме учи е книга полна со инспирација, мудрост, поуки, благодарност, љубов, и една посебна сила што постојано нè движи напред и нè поттикнува да истрчаме уште еден километар, да направиме уште еден напор – за да станеме подобри од она што веќе сме.
-
Сè е за*бано : книга за надежта
0390,00 денОд авторот на интернационалниот мегабестселер „Е, баш ме заболе“ доаѓа контраинтуитивен водич за проблемите со надежта.
Живееме во интересно време. Материјално, сè е подобро од кога и да е, но некако сè изгледа како да е непоправливо и ужасно заебано. Што се случува? Ако некој може да ја именува нашата моментна малодушност и да ни помогне да ја решиме, тоа е Марк Менсон.
Во „Сè е заебано“, Менсон исцртува планини од психолошки истражувања базирани на безвременската мудрост на Платон, Ниче, Кант, па и на Том Вејтс, за да ги дисецира религијата, политиката, парите, забавата и интернетот.
Со неговата препознатлива комбинација од ерудиција и хумор, Менсон нè предизвикува да бидеме почесни кон себеси, отворено спротивставувајќи се на нашите дефиниции на верата, среќата, слободата – дури и на надежта. Еден од најголемите модерни автори напиша уште една книга што ќе ја постави агендата на годините што доаѓаат.
-
ТАЈНИТЕ ПИСМА
0380,00 денДОЛГООЧЕКУВАНОТО ПРОДОЛЖЕНИЕ НА НАЈПРОДАВАНИОТ СЕРИЈАЛ „КАЛУЃЕРОТ ШТО ГО ПРОДАДЕ СВОЕТО ФЕРАРИ“
Џонатан Лендри поминува низ тежок период во животот. По необичната средба со својот загубен роднина Џулијан Ментл – поранешен влијателен адвокат кој одеднаш исчезнал на Хималаите – тој е принуден да патува по светот за да ги собере тајните писмата во кои се кријат извонредните тајни што ги открил Џулијан.На незаборавното патување што ве води во сензуалните сали за танго на Буенос Аирес, морничавите катакомби во Париз, блескавите кули во Шангај и мистичните пустини на Седона, Тајните писма на калуѓерот што го продаде своето ферари открива изненадувачки сознанија што ќе ви помогнат да си ја вратите моќта, да му бидете верни на своето вистинско јас и бестрашно да ги живеете своите соништа.
Денес на светот нема вишок луѓе. Секој од нас е тука со причина, со некоја специјална цел – мисија. Да, биди среќен и забавувај се многу. И да, стани успешен, но според свои критериуми, а не според оние што ти ги наметнува општеството. Но – над сè – биди од значење. Направи твојот живот да е важен. Биди од корист. Биди им на услуга на колку што е можно повеќе луѓе. И биди рамо до рамо со најдобрите што некогаш живееле. Робин Шарма
-
АТОМСКИ НАВИКИ
0850,00 денДали тешко ги менувате своите навики? Ако е така, проблемот не сте вие. Проблемот е во вашиот систем. Лошите навики се повторуваат одново и одново, не затоа што вие не сакате да се промените, туку затоа што имате погрешен систем за промена.
Оваа книга содржи проверен и докажан систем, кој може да ве издигне до нови височини.
Ќе научите како:
• да најдете време за нови навики;
• да го надминете недостигот на мотивација и на волја;
• да ја промените својата околина за да бидете поуспешни;
• да се вратите на патот кога ќе скршнете од курсот;
• и уште многу нешта…
„Атомски навики“ ќе го преобликуваат начинот на кој размислувате за успехот и за напредокот и ќе ви ги дадат потребните алатки и стратегии за трансформација на вашите навики – сеедно дали сте тим што сака да освои првенство, компанија што се стреми да се издигне над конкуренцијата или едноставно поединец што сака да престане да пуши, да ја намали тежината, да го победи стресот или да постигне некоја друга цел.
Навиките се оној ситен детаљ што може да донесе огромен пакет од позитивни промени кај секого од нас.
-
Ние не требаше да се сретнеме
0400,00 денКолку време и жртви се потребни за да се врати животот таков каков што бил пред доживеаната несреќа?
Доволен е само миг за да се промени нешто што го создаваме со години. Совршената хармонија на семејниот живот на галеристката Ада и ветеринарот Гзавие се уништува со една сообраќајна несреќа. Дали ќе успеат да се справат со фаталните последици, со предизвиканите физички и емотивни штети?
Ние не требаше да се сретнеме е приказна за загубата и повторното наоѓање, за еден љубовен триаголник и потребата од прошка и соземање. Роман за способноста да ја преобразиме траумата во прифаќање во процесот на надворешно и внатрешно закрепнување. Ќе успеат ли да се прифатат двајцата што несреќата случајно ги споила или ќе се покаат што се сретнале враќајќи им се на старите животи?
Животот е лесен кога сè е совршено, но треба да научиме да го сакаме и кога бара од нас повторно да го изградиме она што било урнато до темел.
-
ХОМО ДЕУС
0500,00 денЈувал Ноа Харари, автор на светскиот феномен Сапиенс: кратка историја на човечкиот род, продолжува со истражување на проблематиката на целокупното човеково искуство со уште една неверојатно оригинална книга – Хомо деус: кратка историја на иднината.
Со својот единствен стил што воодушеви милиони читатели низ светот, Харари укажува дека луѓето успеале да го направат она што се чини невозможно: да ги победат гладот, заразните болести и војните, да ги претворат од неразумни и неконтролирани сили на природата во предизвици кои може да се управуваат. За првпат во човековата историја денес повеќе луѓе умираат од премногу храна отколку од глад; повеќе луѓе умираат поради старост, а не од заразни болести; повеќе луѓе се самоубиваат отколку што гинат од воени акции, тероризам или криминал заедно.
Кои ќе бидат идните проблеми на човештвото? Каква судбина им е наменета на луѓето, како самопрогласени богови на планетата Земја, кои чекори ќе ги преземеме за да ја оствариме? Хомо деус ги истражува проектите, соништата и кошмарите кои ќе го обликуваат дваесет и првиот век – од заобиколување на смртта до создавање вештачки живот. Пред нас се основните прашања на кои мораме да дадеме одговори: во кој правец ќе се движиме понатаму? И како ќе го заштитиме овој кревок свет од сопствената деструктивна моќ? Пред нас е следната фаза во еволуцијата: хомо деус!
-
Светецот, сурферот и директорот
0380,00 денНа страниците на оваа извонредна книга ќе откриете практични, а сепак моќни методи за пресоздавање на вашиот живот и одново поврзување со своето најдобро јас. Напишана како интересна и искрена приказна, СВЕТЕЦОТ, СУРФЕРОТ И ДИРЕКТОРОТ ви дава моќен спој на длабока мудрост и практични животни лекции што ќе ви помогнат да ја откриете својата судбина, да ја живеете највисоката вистина како човечко суштество, и да ја најдете постојаната среќа што ја барате.
Во овој револуционерен водич за живеење на својот живот на најавтентично ниво, ќе научите:
– како да ги разбудите вистинските дарби и силно да заблескате во светот
– како да ги претворите стравовите во слобода и раните во мудрост
– лекции што ќе ви помогнат да го усовршите умот, да го отворите срцето, и да го негувате духот
– едноставни методи за прекрасни врски исполнети со вистинска љубов
– начини за повторно воведување на авантурата, мистеријата и забавата во животот
– техники како да станете ѕвезда во кариерата и да привлечете богатство -
Среќното семејство на калуѓерот што го продаде своето ферари
1320,00 денЕдноставниот, инспиративен и докажано ефикасен систем на прочуениот гуру открива како да му помогнете на своето дете да го оствари својот целосен потенцијал, а притоа да постигнете и сопствен внатрешен мир.
Џулијан Ментл, поранешен адвокат кој навреме ја осознал вистинската смисла на животот, е подготвен за нови предизвици. На патот кон исполнето, урамнотежено и среќно постоење нема поважен фактор од семејството. Затоа Џулијан во оваа книга изложува низа проникливи сознанија и практични совети со кои ќе му овозможите на своето дете да ги препознае и да ги реализира своите дарби. Исто така, ќе ви покаже како со членовите на семејството да остварувате однос исполнет со доверба, кој ќе се претвори во цврста и нераскинлива врска.
Споделете ја радоста на живеењето со своите најблиски и научете како подобро да се разбирате. Насочете ги своите деца по патот на големите соништа и покажете им дека ништо не е недостижно. Свртете се кон тоа што ви е најважно и секој ден уживајте во даровите што ви ги дава животот.
-
Кој ќе плаче кога ќе те нема?
0320,00 денВо Кој ќе плаче кога ќе те нема, Робин Шарма нуди 101 едноставно решение за најкомплексните животни проблеми, почнувајќи од малку познатиот метод за борба против стресот и грижите, па до моќта што потекнува од вас кога создавате нешта кои, многу години откако ќе ве нема, ќе претставуваат ваша оставина за најблиските и за човештвото. Насловите на некои од темите се: Почитувајте го своето минато, Откријте го својот позив, Почнете го денот убаво, На проблемите гледајте како на благослови…
Ако сте подготвени да го замените чувството на празнотија во себе со длабоки чувства на задоволство, мир и страст, и сакате да водите живот полн со смисла и цел – ова е идеална книга за вас.
Со своите книги, Робин Шарма веќе го промени животот на милиони луѓе низ светот. Оваа книга е уште една ризница на мудрости, релевантна за овие наши турбулентни времиња.
-
Птицата во мене лета каде што ќе посака
0330,00 денШто да правиш кога имаш чувство дека е невозможно да ги исполниш сите очекувања што другите ги имаат за тебе? Што да правиш кога ќе ја изгубиш единствената личност која те разбира? Кога се наоѓаш во некоја гранична земја меѓу детството и светот на возрасните и во себе посакуваш нешто што одвај себеси можеш да си го објасниш со зборови?
Во почетокот на 20 век, во гратчето Хамердал во Лемтланд, родено е девојче кое го добива името Берта. Девојчето најмногу од сè сака да црта и да слика и тајно сонува да биде уметница. Но, во тоа време можностите некој да се образова и професионално да се занимава со сликарство биле далеку од нешто што се подразбира, особено кога станувало збор за девојче што потекнува од семејство на земјоделци. Берта знае дека е потребна на фармата, но ситуацијата станува многу тешка откако ќе се влоши болеста на белите дробови на нејзината мајка. Што ќе прави Берта со сиот очај и желбата да отпатува оттаму? Како воопшто ќе успее да си ги исполни своите сништа?
„Птицата во мене лета каде што ќе посака“ на Сара Лундберг е приказна инспирирана од делата на сликарката Берта Хансон, од нејзините писма и записите во нејзиниот дневник. Книгата е наградена со најпрестижното шведско книжевно признание, наградата „Аугуст“ за книжевност за млади. -
Урнебесна хемија
0300,00 денАко одлучивте да ја прочитате оваа книга мислејќи дека од неа ќе дознаете нешто повеќе за производството на хемиски моливи, за хемиското чистење облека или за видовите детергенти за дезинфекција на површината во кујните и во бањите, за средствата чија употреба им е строго забранета на спортистите, за препаратите за уништување комарци и други инсекти, за хемиските производи за нега на украсните или индустриските растенија…
хммм… ГРЕШИТЕ, но –
ОДЛИЧНО!
ИСКУСТВАТА НА ХЕМИЧАРИТЕ И НА ДРУГИТЕ НАУЧНИЦИ
ПОКАЖУВААТ ДЕКА ЖИВОТОТ ИМ Е МНОГУ ПОИНТЕРЕСЕН
НА ОНИЕ ШТО ЧИТААТ И МИСЛАТ ОТКОЛКУ НА ОНИЕ
ШТО НЕ ЧИТААТ И НЕ МИСЛАТ! -
Урнебесна физика
0300,00 денАко сте од оние што по грешка ја отвориле оваа книга (ја добивте на подарок; ви било здодевно; немате ниту една друга книга; мислевте дека во неа станува збор за љубовниот живот на германските жаби; ја грабнавте трчајќи во тоалетот),сериозно придржувајте се кон ова предупредување:
БЕГАЈТЕ!!!
УРНЕБЕСНАТА ФИЗИКА МОЖЕ ДА ВИ ГО ПОМАТИ УМОТ И ДА ВЕ НАТЕРА СОСЕМА ДА СЕ ВЉУБИТЕ ВО НЕА! ЗА СИТЕ ОНИЕ ШТО СЕ ЛУДИ ПО ФИЗИКАТА! И ЗА ОНИЕ ШТО ПОПРВО БИ ГО ВЛЕЧЕЛЕ КРОКОДИЛОТ ЗА ОПАШ ОТКОЛКУ ДА УЧАТ ФИЗИКА!
-
Азбука
0300,00 денАко вашето дете учи букви, ова е книга за него.
Ако вашето дете сака да црта, ова е книга за него.
Ако вашето дете сака приказни, ова е книга за него.
Ако ве интересира која буква од кој цртеж настанала, ако сакате да дознаете приказна за постанокот на секоја буква, ова е книга за вас и за вашето дете.
Помогнете му да ја прочита, изгледа и ислуша!
Заедно со Стела и Сани, цртаме по еден цртеж и раскажуваме по една приказна за секоја буква!
-
Опкружени со психопати
0399,00 денДали често налетувате на луѓе што секогаш имаат комплимент во ракавот и прават да се чувствувате добро? Шармантни, харизматични и манипулатори – психопатите се токму такви, и тоа е тоа што ги прави опасни…
***
Користејќи го истиот систем на класификација на однесувањето во четири бои, употребен и во меѓународниот бестселер Опкружени со идиоти, Томас Ериксон ги прикажува најчестите форми на контрола што ги користат психопатите за да влијаат на луѓето околу себе. Бидејќи со манипулација се среќаваме и кај личности што немаат психопатски карактеристики, авторот вклучува и практични техники што ќе ви помогнат да ги препознаете и да ги пресретнете скриените намери на таквите манипулатори.
***Оваа книга ќе ви помогне да го разберете сопственото однесување и своите слабости, како и да проникнете во туѓите намери и стратегии. Ќе дознаете на кој начин можете да се спротивставите на влијанијата на манипулаторите, како на работното место, така и во социјалниот живот и во семејството.
Надмудрете ги психопатите и заштитете се себеси!
