-
Фаворити
1590,00 денЗа светот се скандал. Еден за друг, опсесија.
Таа нема значајно потекло, познато име, богатство или семејна поддршка, но отсекогаш знаела дека ѝ е пишано да стане добитничка на златен олимписки медал во танц на мраз. Кога Катарина Шо го запознава Хит Роча, осамено дете заглавено во системот за згрижување сираци, нивната инстантна конекција ги прави добар пар на мразот. Благодарение на тоа што се потпираат на лизгањето – и еден на друг – за да побегнат од своите турбулентни животи, Кет и Хит стануваат шампиони на мразот, освојувајќи го светот со нивната неопислива хемија, бунтовнички стил и нивната вртоглаво луда врска.
Но шокантен инцидент на Олимписките Игри ненадејно става крај на нивното партнерство.
На десетгодишнината од нивното последно лизгање заедно, еден документарен филм повторно ја потпалува масовната опсесија со Шо и Роча, тврдејќи дека низ интервјуа со нивните најблиски пријатели и најжестоки ривали ќе ја открие „вистинската приказна“ за скандалозниот пар. Кет не сака да има ништо со документарецот, но не може да ја поднесе помислата некој друг да ја дефинира нивната историја. Па, по цела декада молк, сега ја раскажува приказната: од детските трагедии од кои се раѓа нејзината огнена врска со Хит до судирот на желби поради кој се разделуваат. Сензационалистички гласини им го следат секој чекор со години, но има шанси вистината да е уште пошокантна од насловите во таблоидите.
* Книгата е саемски новитет и ќе биде достапна за продажба од 08.05.2025, на нашиот штанд на Саемот на книга, во сите книжарници и онлајн.
-
Сите нејзини демони
0390,00 денВо срцето на Јужна Австралија, во напуштен ресторан среде паркот Драј Крик, полицијата наоѓа тело – обезглавено, совршено распарчено, внимателно завиткано – спакувано како нешто што никогаш не требало да биде пронајдено. Детективката Оливија Вест е назначена да го води случајот што не ѝ дава сон – и не ѝ остава простор за грешка. Таа не знае дека тоа што го гледа е само почеток на нешто многу пострашно.
Телото не можат да го идентификуваат. Времето на смртта е нејасно. А поврзаноста со местото – непостоечка. Додека Лив се обидува да собере какви било траги, случајот неочекувано ескалира: полицијата открива уште десет тела и мрежа од настани што води далеку од границите на Аделаида. Притисната од јавноста, Лив мора да го фати серискиот убиец пред темнината да ја проголта – не само професионално, туку и неа лично.
Шокантен психолошки трилер за злосторства кои не се забораваат, за тајни кои се пренесуваат од генерација на генерација и за демоните што се кријат во секој од нас. Ова не е само приказна за убиства. Ова е приказна за спас… ако преживееш доволно долго да го пронајдеш.
* Книгата е саемски новитет и ќе биде достапна за продажба од 08.05.2025, на нашиот штанд на Саемот на книга, во сите книжарници и онлајн.
-
Тунел
0400,00 денСептември 1940: Бомбардирањето почнува. Воздушните напади на Лондон траат со месеци. Секоја вечер, десетици илјади луѓе се засолнуваат во подземјето: спијат на платформи, на ескалатори, до шините. И таму, длабоко под земјата, се запознаваат четворица млади.
Квин има петнаесет години. Таа побегнала од дома со торба полна накит и сака да го смени светот. Џеј има изгубено сѐ, па навистина нема зошто да му биде гајле за правилата. Себастијан е постариот брат на Квин, но таа не го спомнува неговото име. За неговото семејство, тој повеќе не постои. Ела има четиринаесет години и таа е онаа која ја раскажува приказната. Таа се чувствува невидливо, особено поради болеста во изминатата година. Но тогаш се појавува тунелот.
Ана Волц е една од најпопуларните современи холандски авторки, особено позната по своите длабоки и емотивни приказни. Нејзините дела се издвојуваат по своето чувствително прикажување на сложени теми како што се пријателството, идентитетот, загубата и издржливоста. Волц има добиено низа престижни награди за своето пишување, како и многу пофалби не само за интригантните заплети туку и за емоционалната длабочина и нијансираните ликови.
* Книгата е саемски новитет и ќе биде достапна за продажба од 08.05.2025, на нашиот штанд на Саемот на книга, во сите книжарници и онлајн.
-
Убавината на скршените нешта
0390,00 денИтан се бори за нешто целиот свој живот – за успех, за докажување, за љубов. Роден со големи соништа и амбиции, а израснат со малку, се обидува да се пробие во свет кој никогаш не му дал ништо на тацна. Научен да очекува загуби. Научен секогаш да биде подготвен за падот.
Тогаш ја запознава Ирис, девојката која му покажува дека ништо во животот не е невозможно. Таа прави тој да се чувствува семоќно. Со неа, повеќе не мора да се бори сам. Па кога таа сонува, тој сонува со неа. Кога таа посакува нешто, тој ќе помести и планини за да ѝ го даде. А кога таа копнее за семејство, тој се заколнува дека ништо – дури ни невозможното – нема да им застане на патот.
Нивната љубов е неуништлива, неопислива, луда… Но што кога љубовта не е доволна?
Навидум совршен пар, тие бијат битка во тишина: битка која им ги тестира силите, надежта, телата и љубовта. И кога конечно го добиваат чудото кое го чекаат, мислат дека е готово. Но грешат. Судбината е безмилосна и ја распарчува нивната љубовна приказна. Стануваат туѓинци во сопствените животи, а нивната љубов почнува да напукнува од грешката која никој не може да ја поправи. За првпат, тие се на спротивна страна на битката.
Некои љубови преживуваат сѐ. Некои не. Но за некои вреди да се бориш… дури и кога се скршени. Можеби затоа што има некоја посебна убавина во љубењето со скршено срце.
-
Балот на лудите жени
0400,00 денИсториска драма за жените затворени во болница за душевни болести во Париз во 19 век.
Во прочуената психијатриска болница „Салпетриер“, доктор Шарко го фасцинира општеството со своите јавни демонстрации на хипноза врз наводно луди жени отфрлени од семејствата. Но вистината е покомплицирана – тие не се навистина луди. Некои се несакани или непослушни сопруги, други мајки што не можат да ја преболат загубата на чедото, трети се ќерки што одбиваат да се покорат или девојки родени од вонбрачни врски. За париската елита, најзначајниот годишен настан е Балот на лудите жени, кога можат да ги набљудуваат пациентките облечени во свечени костими како танцуваат на звуците на валцерот. А за самите пациентки, балот претставува редок момент на надеж.
Женевјев е главна медицинска сестра во „Салпетриер”. По смртта на сестра ѝ Бландин, таа ја отфрла верата и се посветува на науката, слепо верувајќи му на познатиот доктор Шарко. Но нејзините убедувања се разнишуваат кога ја запознава 19-годишната Ежени – ќерка на угледно семејство, насилно затворена во болницата. Ежени има тајна: таа гледа духови. Инспирирана од забранетата Книга за духовите за која зборува цел Париз, таа е решена да избега од болницата, да се ослободи од ограничувањата на својот пол и да најде луѓе што ќе ѝ поверуваат. Но затоа ѝ е потребна помошта на Женевјев…
-
Незначајни партнери
0490,00 денЛена Вестбрук, перфекционист и работохоличарка, внимателно го планира и оркестрира секој детаљ од својот живот. Па, по две години врска, кога нејзиното момче ѝ раскинува вечерта кога таа очекува да ја побара за жена, збунета е до бескрај, а срцето ѝ е скршено. Тогаш бега во домот на саканата тетка, прекрасниот остров Бејнбриџ во Сиетл, да тагува на мир и да си дојде на себе. Првата вечер заспива во гостинската куќа. Но кога се буди следното утро, повеќе не е во колибата на островот, туку во мал шик париски стан – облечена во скапа свилена ноќница – до згоден парижанец кој мисли дека Лена му е сопруга.
Од елегантните соседства во Париз, допрекрасните пејзажи на Ирска
и блескавите хоризонти на Њујорк, па и многу неочекувани дестинации помеѓу тие, секојпат кога Лена се буди, таа e на некое друго место, со некој друг. Во секое искуство, добива шанса да види како би било да тргнела по некој друг пат. Колку повеќе ѝ се разјаснуваат нејзините минати одлуки, толку повеќе се прашува, дали некоја од овие романси воопшто била… значајна?Интересна, изненадувачка и магична новела која ги истражува сите „што ако” во животот, но најмногу, љубовта.
-
Девојчето во снегот
0500,00 денЊујорк, 1998 година – парада за Денот на благодарноста. Кира Темплтон исчезнува во толпата. По детално пребарување на целиот град, некој наоѓа неколку прамени коса до алиштата на девојчето. Во 2003 година, дента кога Кира би требало да наполни 8 години, нејзините родители добиваат чуден пакет – видео касета со снимка која трае само една минута и ја прикажува Кира како си игра во непозната соба.
Мирен Тригс, студентка на факултетот за новинарство, започнува своја паралелна истрага и дознава дека и нејзиниот живот, исто како и животот на Кира, е преполн со неизвесности и несигурности.
„Девојчето во снегот”, продадена во милиони примероци, е совршен трилер кој ги менува правилата на жанрот. Кастиљо несомнено е нов феномен во европската литература.
-
Твој Толак
0370,00 денСтариот Толак е човек со многу противречности. Горделив е и избувлив, но и праведен и нежен. Тој води битка со новиот, непрепознатлив свет во кој одамна не наоѓа смисла и сѐ уште бескрајно ја сака својата прекрасна сопруга Ингеборг, која исчезнала пред неколку години. А сега, тој умира.
Неговите две деца ретко го посетуваат, останат му е само Одо, или Одо Будалата како што го нарекуваат соседите, кого Толак како мал го прибрал да живее со неговото семејство. Тој ќе настојува ќерката и синот да го посетат за последен пат — зашто е дојден моментот кога молчаливиот човек треба да проговори и конечно да им ја открие тајната која со години му ја јаде душата.
Во овој краток роман, во кој се испреплетуваат елементи на љубовна приказна, на семејна драма и на неизвесен трилер, истакнатиот норвешки автор Торе Ренберг слика трогателен, комплексен и вознемирувачки портрет на маж од „стариот свет“, кој е релевантен и денес. Роман за потрагата по смисла и за суштинските нешта во животот.
Тригери: семејно насилство, ментално здравје.
-
Светлината на Антикитера
0370,00 денАнгелики Апостолакис е туристички водич кој живее и работи на островот Лезбос во Грција. Таа е порасната во патријархално и конзервативно семејство каде зборот на таткото е закон. Токму поради тоа, нема избор, освен да работи во семејната туристичка агенција, иако не ѝ се допаѓа ниту работата, ниту работната атмосфера. Но, на една семејна вечера, нејзината братучетка, Зои, која живее на островот Наксос, успева да издејствува Ангелики да замине со неа, под изговор дека ѝ треба помош во работата.
На прошетка до локалните знаменитости, Ангелики случајно открива стара кутија полна со чудни предмети. Па двете братучетки, заинтригирани од откритието, се обидуваат да дознаат што е тоа што го пронашле и колкава вредност има. Потрагата ги води низ авантури на повеќе грчки острови. Како што се сретнуваат со различни луѓе и дознаваат сѐ повеќе информации за грчката митологија и легендите, така стануваат сѐ посвесни дека имаат пронајдено нешто исклучително. Толку исклучително што може да ги одведе и до исклучителна опасност. Затоа што, некој почнува да ги следи. Некој постојано им е зад петици. Кој знае за нивното откритие? И зошто е тоа толку важно за некого?
„Светлината на Антикитера“ е мистерија која ќе ве поведе на раскошно патување по грчките острови. Приказна која шета помеѓу минатото и сегашноста, задржувајќи го вниманието со тензија, неизвесност и интересни факти од грчката митологија сѐ до последната страница.
-
Деновите кога најмногу те љубев
0490,00 денНезаборавна и крајно романтична, срцепарателна приказна која ќе ве натера да се запрашате: Колку би жртвувале за оној кој го љубите?
Евелин и Џозеф растат заедно на бреговите во Нова Англија. Се засакуваат уште од деца, но животот е долг и непредвидлив, па многупати ги разделува, како да ја испитува и искушува нивната љубов. И сега, повеќе од шеесет години подоцна, со цел еден живот помеѓу нив, ги повикуваат своите три деца за да ја споделат најновата вест, последниот удар кој животот им го задава за да ги раздели. Таа добива трагична дијагноза, а тој не може да живее без неа. И не сака да дозволи да се разделат, дури ни сега, во староста, по сите поминати години и мигови. Па така, планира да замине заедно со неа.
Во обид да се помират со судбината, Евелин и Џозеф се навраќаат на минатото – на сите радости и испуштени нешта, на смеата и на тагата – сѐ што ги довело до овој момент. Сага која се протега од пред Втората светска војна, преку нападот на 11 септември и до вечноста – доказ за неспоредливата моќ на љубовта и потсетник дека и во најмрачните моменти, секогаш има надеж и убавина во животот.
-
На господин Филип, со љубов (Бриџертон #5)
0520,00 денСер Филип смета дека знае сè што треба за Елоиз Бриџертон. Од преписката со далечната роднина на неговата покојна сопруга, ja замислува како повлечена стара мома која копнее да стапи во брак. Затоа, решава да ја запроси. Но… таа воопшто не е таква. Жената што стои пред неговиот праг е вистинско изненадување – не само што е убава, туку е и храбра, зборлива и мошне паметна. А секогаш кога ќе престане да зборува, тој посакува само едно – да ја бакне.
Елоиз Бриџертон никогаш не би се омажила за човек што не го познава. Но совладана од љубопитноста, се качува во кочија и тргнува во ноќта за да го запознае мажот кој се надева дека ќе биде нејзиниот совршен сопруг. Но… тој воопшто не е таков. Нејзиниот совршен партнер не би бил толку намуртен и некултурен. И несомнено требало да ѝ спомене дека има две мали и мошне немирни деца, на кои им е потребна мајка, исто колку што нему му е потребна сопруга.
-
Со секој здив
0450,00 денХоуп Андерсон се наоѓа на крстопат. На триесет и шест години, таа веќе е во врска со своето момче, хирург-ортопед, цели шест години. Бидејќи сѐ уште нема свадба на повидок, а дознаваат дека нејзиниот татко боледува од АЛС, таа решава да помине една недела во семејната викендичка во Сансет Бич, Северна Каролина, за да ја подготви за продажба, но и да размисли за сите тешки одлуки поврзани со иднината.
Тру Волс никогаш претходно не бил во Северна Каролина, но доаѓа во Сансет Бич поради писмо од човек кој тврди дека му е татко. Тру е сафари водич, роден и пораснат во Зимбабве, кој се надева дека ќе успее да открие дел од мистериите околу животот на мајка му и да врати спомени изгубени со нејзината смрт. Кога на двајцата туѓинци им се вкрстуваат патиштата, нивната хемија е електрична и незамислива… но во деновите кои следат, нивните чувства ќе бидат принудени да им отстапат место на семејните должности наместо на личната среќа.
Колку може да биде срцепарателно каењето, колку долго може да преживува надежта? Со секој здив е приказна која ги истражува многуте лица на љубовта и лојалноста, поставувајќи го прашањето: Колку долго може да живее еден сон?
-
Романса со господин Бриџертон (Бриџертон #4)
0520,00 денСите знаат дека Колин Бриџертон е најшармантниот маж во Лондон. А Пенелопе Федерингтон потајно го обожава братот на нејзината најдобра пријателка… па, се чини отсекогаш. Со оглед на тоа дека половината свој живот го набљудува Колин Бриџертон од далечина, смета дека знае сѐ што може да се знае за него, сѐ додека не налета на неговата најдлабока тајна… кога одеднаш почнува да се плаши дека никогаш воопшто и не го познавала.
На Колин му е смачено од тоа што сите го сметаат за обичен празноглав шармер и особено му е смачено од колективната преокупација со озлогласената колумнистка на гласишта и озборувања, Леди Вислдаун, која како да не може да објави издание без да го спомне токму него во првиот параграф. Но кога се враќа од патувањата во странство, открива дека ништо во животот повеќе не е исто – особено не Пенелопе Федерингтон! Девојката која го прогонува низ соништата. Но кога дознава дека и таа има своја тајна, овој недопирлив ерген мора да реши… дали таа е најголемата закана за него – или неговото ветување на среќен крај?
-
Жените
0590,00 денИнтимен портрет на растењето во опасно време и епска приказна за една поделена нација.
И жените можат да бидат херои. Овие зборови се откровение за дваесетгодишната Френки, која учи за медицинска сестра. Израсната во сончевиот и идиличен свет на Јужна Калифорнија и секогаш штитена од своите конзервативни родители, таа се гордее со фактот дека секогаш ги правела правилните нешта, она што се барало и очекувало од неа. Но во 1965, светот се менува и таа одеднаш се осмелува да замисли поинаква иднина за себе. Кога нејзиниот брат заминува да служи во Виетнам, Френки се приклучува кон воениот корпус како медицинска сестра и го следи неговиот пример.
Незрела и неискусна исто колку и мажите пратени во Виетнам да се борат, Френки психички ја совладува хаосот и деструкцијата од војната. Секој ден е коцкање со животот и смртта, надежта и предавството, а пријателствата имаат длабоки корења, но воедно можат да се распрснат за миг. Во војната, таа ги запознава – но и станува една од – среќните, храбрите, скршените и изгубените. Но војната е само почеток за Френки и нејзините пријатели ветерани. Вистинската битка почнува со враќањето дома, во променетата и поделената Америка, кај лутите протестанти, во државата која сака да го заборави Виетнам.
-
Кралицата Шарлота
0520,00 ден„Ние сме една круна. Неговата тежина е моја, а мојата е и негова…“Во 1761, еден сончев септемвриски ден, еден крал и една кралица се сретнуваат за првпат. И се венчаваат во рок од неколку часа.Родена како германска принцеза, Шарлота е прекрасна, тврдоглава и крајно интелигентна… а тоа не се баш особините кои Палатата ги посакува за сопругата на младиот крал Џорџ III. Но нејзиниот оган и независност се токму она што е потребно, бидејќи Џорџ има тајни… тајни со потенцијал да ги разнишаат темелите на монархијата.Втурната во новата улога на кралица, Шарлота мора да се запознае со правилата и политиките додека истовремено си го штити срцето, бидејќи се вљубува во кралот, дури и покрај тоа што тој ја оттурнува од себе. А пред сѐ мора да научи да владее и да разбере дека ѝ е дадена моќ да направи огромни промени во општеството. Таа мора да се бори – за себе, за својот сопруг и за сите кои бараат помош и водство од неа. Затоа што таа никогаш повеќе нема да биде само Шарлота. Мора да ја следи својата судбина… како кралицата Шарлота.
Незаборавна романса од моќното дуо, напишана ексклузивно за Нетфликс.
-
Тајната на монахот
0390,00 денЕдна девојка доживува трагедија…
Матурската вечер завршува кобно за една млада девојка, која не знае ни како, ни зошто, ниту од кого е силувана. Последното нешто на кое се сеќава е дека професорот ја враќа дома, но нема никакво сеќавање од настаните кои следуваат откако излегува од неговото возило. Иако се обидува да се носи и да живее со таа траума, сфаќа дека не е доволно силна и посегнува по својот живот.Еден професор е осомничен и добива тешка казна…
Професорот има голема грижа на совест и носи тежок грев, па ја прифаќа казната. Но за што поточно е виновен?Еден монах решава да оди против себе и да открие голема тајна…
Речиси секој од ликовите крие нешто, заплеткувајќи ја приказната, а само еден од нив собира храброст да ја открие својата тајна и да фрли барем малку светлина на трагичните настани.
